ලලිත් චාමින්ද –
නොරොච්චෝලේ ලක්විජය ගල් අඟුරු බලාගාරය සඳහා (2020 – 2025) ගල්අඟුරු මිලදි ගැනිමේ ප්රසම්පාදන ක්රියාවලිය සම්බන්ධයෙන් විගණකාධිපතිවරයා විසින් නිකුත්කොට ඇති විගණන කෙටුම්පතට විදුලිබල හා බලශක්ති අමාත්යංශයේ ලේකම්වරයා විසින් පිළිතුරු ලබාදිමේ දි විගණකාධිපතිවරයාගේ කාර්යභාර්ය අවමානයකට ලක්කොට තිබු බව ජාතික විගණන කාර්යාලය පවසයි.
ඔස්ට්රේලියවෙන් ගල්අඟුරු නැව්වාර 105ක් ආනයනය කොට ඇති තත්වයක් තුළ සත්ය පසෙක දමා විගණන නිරික්ෂණ ලෙස හිතළු සඳහන් කර ඇති බවට සිය පිළිතුර මගින් විදුලිබල හා බලශක්ති අමාත්යංශයේ ලේකම්වරයා විසින් විගණකාධිපතිවරයාගේ කාර්යභාර්ය අවමානයකට ලක්කොට ඇති බවද විගණන කාර්යාලය පෙන්වාදෙයි.
විදුලිබල හා බලශක්ති අමාත්යංශයේ ලේකම්වරයා එසේ සඳහන් කළද මේ දක්වාම ඔස්ට්රේලියාවෙන් ගල්අඟුරු ආනයනයක් සිදුකරනොමැති බව ගල්අඟුරු සමාගම විසින් විගණනයට තහවුරුකොට ඇති බවද විගණන කාර්යාලය පවසයි.
මෙම තත්වය තුළ අමාත්යංශයේ ලේකම්වරයා විසින් නිසි විචක්ෂණභාවයකින් හා වෘත්තියභාවයකින් තොරව පිළිතුරු සපයා ඇති බව නිරික්ෂණය වන බවද විගණන කාර්යාල පවසයි.
එමෙන්ම අමාත්යංශයේ ලේකම්වරයා විසින් 2022 සැප්තැම්බර් මස 22වනදින අමාත්යමණ්ඩලය වෙත ඉදිරිපත්කොට ඇති සංදේශයේ නිර්දේශිත අංක 3 (ආ) I යටතේ Black Sand Commodities සමාගම වෙත අංක 05 සෘජු ප්රසම්පාදනයෙන් නැව්වාර 02ක් ප්රදානය කොට ඇති බව සඳහන් කොට තිබුණි.
එහෙත් එකි සමාගම වෙත එලෙස ප්රසම්පාදනයක් ලබා දි නොතිබු බව විගණන කාර්යාලය පවසයි. අමාත්යංශ ලේකම්වරයා විසින් අමාත්යමණ්ඩලය වෙත නිරවද්ය නොවන සහ තහවුරුකළ නොහැකි තොරතුරුද ඉදිරිපත් කොට ඇති බව විගණන වාර්තාවේ සදහන් කොට ඇත
