ශ්රියානි විජේසිංහ
දිට්වා සුළි කුණාටුව හේතුවෙන් වාරි සංවර්ධනයට සහ කෘෂිකර්මාන්තයට සිදුව තිබෙන හානිය සුළුපටු නොවන බැවින් එය නැවත ගොඩනැංවීමට දිරිගැන්වීම් සිදු නොකළහොත් විශාල ආහාර අර්බුදයකට රටට මුහුණ දීමට සිදුවනු ඇති බව ජාතික ගොවිජන එකතුමුතුව සඳහන් කරයි.
රට පුරා වැව්, අමුණු, ඇළ-වේලි 4,000කට වැඩි ප්රමාණයක විනාශයට පත්ව ඇති බවත් වැඩිම ජලාශ විනාශයට පත්ව ඇත්තේ කුරුණෑගල දිස්ත්රික්කය තුල බවත් එම සංඛ්යාව 500ට අධික බව ගොවිජන එකමුතුව පෙන්වාදේ.
අනුරාධපුරය , ත්රිකුණාමලය සහ මඩකලපුව තුල පිළිවෙලින් 350, 300, සහ 300 ආදී වශයෙන් ජලාශ විනාශයට පත්ව ඇති බවත් පොළොන්නරුවේ 150 සහ අම්පාර දිස්ත්රික්කය තුල 250ක් පමණ වැව් අමුණු විනාශයට පත්ව ඇති බව එම සංවිධානය පවසා සිටියි.
මෙම කන්නය තුල වගාකල මුළු වී බිම් ප්රමාණය හෙක්ටයාර් 850,000 වන අතර ඉන් හෙක්ටයාර් 161,500 ට අර්ද්ර හානි සිදුව ඇති අතර හෙක්ටයාර් 19,700ට පුර්ණ හානි සිදුව ඇති බව ගොවිජන එකමුතුව පෙන්වාදේ.
මෙම විනාශය හේතුවෙන් වී අස්වැන්න මෙට්ට්රික් ටොන් ලක්ෂ 13ක් පූර්ණ වශයෙන් විනාශයට පත්ව ඇති බවත් අර්ධ වශයෙන් විනාශයට පත්ව තිබෙන වී මෙන්ට්රික් ටොන් ගණන ලක්ෂ 11කි.
මෙසේ හානියට පත්ව ඇති වී තිබෙන වී ඇස්වැන්න සමස්ත වී ඇස්වැන්නෙන සියයට 40ක ප්රතිශතයක් බවද ගොවිජන එකමුතුව පවසා සිටියි.
එලවලු වගා හානිද විශාල වශයෙන් සිදුව ඇති බව පෙන්වාදෙන එම එකමුතුව සම්පූර්ණ විනාශය හෙක්ටයාර් 24000ක් වන අතර අර්ද්ර හානිය හෙක්ටයාර් 15000ක් බව පවසා සිටියි.
