පාර්ලිමේන්තු මන්ත්රී අජිත් මාන්නප්පෙරුමගේ පාර්ලිමේන්තු කටයුතු අද දින සිට සති 4ක කාලයකට අත්හිටුවා තිබේ.
පාර්ලිමේන්තු සභාගර්භය තුළදී සෙංකෝලය ස්පර්ශ කිරීමට යාම හේතුවෙන් කථානායකවරයා මෙම තීරණය ගෙන තිබිණි.
පොලිස්පති ධුරය සඳහා සී.ඩී. වික්රමරත්න පත් කිරීම සම්බන්ධව අජිත් මාන්නප්පෙරුම මන්ත්රීවරයා ඇසූ වාචික ප්රශ්නයට පිළිතුරු දීම මහජන ආරක්ෂක ඇමති ටිරාන් අලස් විසින් ප්රතික්ෂේප කිරීම මෙම උණුසුම්කාරී තත්ත්වයට හේතු වූයේය.
කාතානායකවරයා යළි යළිත් ටිරාන් අලස් ඇමතිවරයාට වාචික ප්රශ්නයට පිළිතුරු දෙන ලෙස දන්වා සිටියදී ඔහු එම පිළිතුර දීම ප්රතික්ෂේප කළේය.
මේ තත්ත්වය උඩ විපක්ෂ නායකවරයා පැහැදිලි කළේ ඇමතිවරයෙකුගෙන් වාචික ප්රශ්නයක් විමසූ විට ඔහු සභා ගර්භයේ සිටී නම් එම ප්රශ්නයට පිළිතුරු ලබා දීමට බැඳී සිටින බවය.
එහෙත් ටිරාන් අලස් ඇමතිවරයා වාචික ප්රශ්නයට පිළිතරු නොදී කතානායකවරයාගේ මග පෙන්වීමක් නොමැතිව පිළිතුර සභාගත කිරීමත් සමග පාර්ලිමේන්තුවේ එකම ගාලගෝට්ටියක් නිර්මාණය විය.
ඒ අතර අජිත් මාන්නප්පෙරුම මන්ත්රීවරයා කථානායකවරයා ඉදිරියට පැමිණ සෙංකෝලය උදුරා ගැනීමට තැත් කළේය.
ඒ අවස්ථාවේ දී අජිත් මාන්නප්පෙරුම මන්ත්රීවරයාට දැඩි ලෙස අවවාද කළ කතානායකවරයා කීවේ ඔහු වැනි පුද්ගලයෙකුට නුසුදුසු ඉතාම කැත වැඩක් අජිත් මාන්නප්රෙුම මන්ත්රීවරයා විසින් සිදුකරනු ලබන බවය.
සෙංකෝලය උදුරා ගැනීමේ උත්සාහය වැළැක්වීමට කතානායක වරයා නියෝග කළ අතර ඉන් අනතුරුව සභාව විනාඩි 10ක් කල් තබා කථානායවරයා නැගිට ගියේය.
.
