දිනසේන රතුගමගේ –
ශ්රී ලංකාවේ කදුකර වැසියන්ගේ ජන ජීවිතය ආරම්භ වී වසර 200 ක් පිරීම නිමිත්තෙන් ඉන්දියාවේ තමිල්නාඩු මාම්පලම් ප්රදේශයේ පැවැත්වීමට නියමිතව තිබු සමළුව තමිල්නාඩු පොලීසිය විසින් අද (15) තහනම් කොට තිබේ.
මෙම සමළුව තහනම් කරන ලෙස තමිල්නාඩු පොලීසිය තමිල්නාඩු අධිකරණයෙන් ලබා ගත් අධිකරණ නියෝගයක් මත එය තහනම් කොට ඇත්තේ එම සමළුව නිසා ශ්රී ලංකාව හා ඉන්දියාව අතර පවතින රාජ්ය තාන්ත්රික භාවයට හානියක් සිදුවනු ඇතැයි යන සැකය මතය.
ශ්රී ලංකා රජයට එරෙහිව හා ඉන්දීය රජයට එරෙහිව ලියන ලද සටන් පාඨ හා පෝස්ටර් කීපයක් තමිල්නාඩු පොලීසියට හසුවීමෙන් පසුව තමිල්නාඩු පොලිසිය ඒ සම්බන්ධයෙන් අධිකරණයට කරුණු ඉදිරිපත් කිරීමෙන් පසුව අධිකරණය මෙම තහනම් නියෝගය පනවා ඇත.
ශ්රී ලංකාවේ කදුකරයේ වෙසන ජනතාව වසර 200 ක් මුළුල්ලේම ඉතා දුක්ඛිත තත්ත්වයකින් යුතුව වේදනා සහගත ජීවිතයක් ගත කරණ බව හුවා දැක්වීමට තමිල්නාඩුවේ හිටපු විනිසුරු අරිපරන්දමන් ඇතුළු පිරිසක් මෙම සමළුව සංවිධානය කොට තිබුණි.
මෙම සමළුව සංවිධානය කළ අරිපරන්දමන් ඇතුළු ප්රබලයින් හත් දෙනෙකුට 17 වෙනිදා තමිල්නාඩු අධිකරණය හමුවේ පෙනී සිට වග උත්තර සපයන ලෙසද තමිල්නාඩු අධිකරණය නියෝග කොට තිබේ.
