කීර්ති ප්රනාන්දු –
ඉදිරියේ දී යළි ඇතිවිය හැකි කොවිඩ් අවදානම පාලනය කරගැනීම සඳහා වගකීම් රහිත පුද්ගලයන් විෂයෙහි ක්රියාත්මක කළ යුතු දැඩි නීති පද්ධතියක් සඳහා වූ යෝජනාවක් ඊලඟ කොවිඩ් කමිටුවට යෝජනා කරන බව මහජන සෞඛ්ය පරීක්ෂකවරුන්ගේ සංගමයේ සභාපති උපුල් රෝහණ ලංකසරට පැවසීය.
රජය පාර්ශවයෙන් සාධනීය වැඩ කොටසක් ඉටු වී තිබෙද්දී ඉදිරියේ දී ඇතිවිය හැකි කොවිඩ් ව්යසනයේ සම්පූර්ණ වගකීම පැවරෙන්නේ වගකීම් රහිතව හැසිරෙන පොදු සමාජයට බව සභාපතිවරයා කීවේය.
දැනට ආසාදිතයන් 600කට වැඩි ප්රමාණයක් දෛනිකව වාර්තා වන්නේ රෝහල්වෙත එන රෝගීන්ගේ කරනු ලබන අහඹු පී.සී.ආර් පරීක්ෂණවලින් බව කී ඔහු දීර්ඝ සති අන්තයේ ට්රිප්වල ප්රතිඵල තවම ලැබෙන්නට පටන්ගත්තේ නැති බව පෙන්වා දුන්නේය.
“ නැවත මේ වසංගතය හිස ඔසවනු ලැබුවහොත් එහි වගකීම මුලුමනින්ම බාරගන්න ඕන සෞඛ්යය උපදෙස් පිළිපදින්නෙ නැතිව හැසිරෙන ජනතාව බව කිව යුතුයි. අප පිලිගන්න ඕන රජයක් ලෙස කළ හැකි බොහෝ දේ දැන් කරලා ඉවරයි. සමස්ථයක් ලෙස ජනගහණයෙන් සියයට 62ක් එන්නත් කරලා. බොහෝ අප්රිකානු රටවල් සියයට 5ක්වත් එන්නත් කරලා නෑ. සියයට 31යි රුසියාව එන්නත් කරලා තියන ප්රමාණ. රට මාස ගණනක් වහලා තිබ්බා. විවෘත කළේ ඉතාම ක්රමානුකූලව. “
“ රට විවෘත වුණ දවසෙ ඉඳන් පොදුවෙ මිනිස්සු හැසිරුණෙ සෞඛ්ය උපදෙස් තැකීමකින් නොවන බවයි අපට පෙනෙන්නෙ. මේ තත්වය අපි තවම දන්නෙ නෑ. එන්නත්වල ආවරණ කාලය ගැන දැන් ගැටලු මතුවෙලා. අපි වැඩිපුරම ගත්තු සයිනොෆාම් එන්නතේ ප්රතිශක්තිය තියෙන්නෙ මාස 03යි කියලා දැන් බහරේන්වල කළ පර්යේෂණ පත්රිකාවකින් කියනවා. මොඩාර්නා, ෆයිසර් එන්නත්වල ප්රතිශක්තිය තුනෙන් එකක් දක්වා අඩුවන බව කියනවා මාස 06ක දි. ඒ තත්වය තුළයි බූස්ටර් ඩොස් එකක් ලබාදීම ආරම්භ වන්නේ.“
“ මොන දේ කළත් ජනතාව වගකීම් රහිතනම් ඒ විනය හැදෙනකම් මේ මරණීය අවදානම නැතිවෙන්නෙ නෑ. දෙසැම්බර් උත්සව සමය තුළ රට නැවත විකල් නොකිරීමේ වගකීම ජනතාව සතුයි. එය පාලනය කිරීම සදහා දැඩි නීති පද්ධතියක් ස්ථාපිත කරන්න කියන යෝජනාව අපි ලබන කොවිඩ් කමිටුවට ඉදිරිපත් කරනවා.“ සභාපතිවරයා කීවේය.
