ලලිත් චාමින්ද –
වෛද්ය සැපයුම් අංශය සඳහා තත්ත්වයෙන් අසමත් සහ හානිවු ඖෂධ සපයනු ලැබු සැපයුම්කරුවන්ගෙන් රුපියල් මිලියන 1,529.83ක ( කෝටි 152කුත් අනූ අට ලක්ෂ තිස් දාහක) මුදලක් අයවිමට ඇතත් එම මුදල 2022 වර්ෂයේ දෙසැම්බර් මස 31 දින වන විටත් අයකරගැනිමට රාජ්ය ඖෂධ නීතිගත සංස්ථාව විසින් කටයුතු කර නොමැති බැව් ජාතික විගණන කාර්යාලය මගින් නිකුත්කොට ඇති නවතම විගණන වාර්තාවක සඳහන් වේ.
එමෙන්ම අසාධු ලේඛනගත සැපයුම්කරුවන්ගෙන් අයකරගත යුතුව ඇති රුපියල් මිලියන 306.11 (තිස් කෝටි හැට එක් ලක්ෂ දස දහසක) මුදල අයකිරිම අවිනිශ්චිත තත්වයක පැවති බවද විගණනය මගින් අනාවරණය කොට ඇත.
තත්ත්වයෙන් අසමත් සහ හානිවු ඖෂධ සපයා තිබීම වෙනුවෙන් දරනු ලැබු පිරිවැය, පරිපාලන ගාස්තු හා එම තොග විනාශ කිරිමේ වියදම වශයෙන් මෙම මුදල ඖෂධ සැපයුම්කරුවන්ගෙන් සංස්ථාවට අයවිමට ඇති බවද විගණන වාර්තාවේ සදහන් වේ.
2021,2022 යන වර්ෂවලදී ඖෂධ කල් ඉකුත්විම හා හානිවීම නිසා රාජ්ය ඖෂධ නීතිගත සංස්ථාවට දැරිමට සිදුවු මුළු අලාභය රුපියල් මිලියන 156.50ක් ( පහලොස් කෝටි හැට පන් ලක්ෂයක්) බවද විගණනය මගින් අනාවරණය කොට ඇත.
එමෙන්ම 2022 වර්ෂය සඳහා වෛද්ය සැපයුම් අංශය වෙනුවෙන් මිලදී ගෙන තිබු ඖෂධ තොග අතුරින් රුපියල් මිලියන 265.88ක වටිනාකමින් යුතු අයිතම් 19ක් තත්ත්වයෙන් අසමත් වි ඇති බවද විගණන වාර්තාවේ සඳහන් වේ.
ඉන් රුපියල් මිලියන 146.61ක මුදලක් ( දාහර කෝටි හැට හය ලක්ෂ දස දහසක්) ඖෂධ සැපයුම්කරුවන්ගෙන් අයකරගෙන නොතිබු බවද විගණනය මගින් අනාවරණය කොට ඇත.
මේ පිළිබද රාජ්ය ඖෂධ නිතිගත සංස්ථාවේ කළමණාකාරිත්වය විසින් විගණනයට සඳහන් කොට ඇත්තේ මින් රුපියල් මිලියන 54.19 ක ( පන් කෝටි හතලිස් එක් ලක්ෂ අනූ දහසක) මුදලක් 2023.04.26 වැනිදින වනවිට සැපයුම්කරුවන්ගෙන් අයකරගෙන ඇති බවය.
ගෙවිම් පැහැර හැරිම නිසා රුපියල් මිලියන 692.78ක (හැට නව කෝටි විසි හත් ලක්ෂ අසූ දහසක) හරපත් සඳහා අදාලවන සැපයුම්කරුවන් අසාධු ලේඛනගතකර නීතිමය ක්රියාමාර්ග ගැනීමට කටයුතු කරණ බවත් සංස්ථාවේ කළමණාකාරිත්වය විසින් විගණනයට සඳහන් කොට ඇත.
එමෙන්ම ඖෂධ සැපයුම්කරුවන් සඳහා හරපත් නිකුත් කිරිමේ සහ අයකරගැනිමේ කටයුකු කඩිනමින් ඉටුකිරිමට උපදෙස් ලබාදි ඇති බවද සංස්ථාවේ කළමණාකාරිත්වය විසින් විගණනයට සදහන් කොට ඇත.
රාජ්ය ඖෂධ නිතිගත සංස්ථාව සම්බන්ධයෙන් 2022 වර්ෂයට අදාලව මෙම විගණන වාර්තාව නිකුත්කොට තිබුණි
