කිරි ආනයනය සඳහා පමණක් වාර්ෂිකව රුපියල් බිලියන 70 ක් තරම් විශාල මුදලක් වැය කිරීමට සිදුව තිබෙන බව සත්ත්ව නිෂ්පාදන හා සෞඛ්ය දෙපාර්තමේන්තුවේ අධ්යක්ෂ ජනරාල් ආචාර්ය හේමාලී කොතලාවල පැවසුවාය.
ඇය පෙන්වා දෙන්නේ මෙරට වාර්ෂික දියර කිරි අවශ්යතාව ලීටර් බිලියන 1200 ක් වුවත් මේ වනවිට ඉන් සපුරා ගැනීමට හැකිව තිබෙන්නේ 35-40 % ක් අතර ප්රමාණයක් පමණක් බවය. විදේශයට ඇදී යන මුදල වලක්වා ගැනීම සඳහා රටේ කිරි නිශ්පාදනය ඉහළට ගැනීමට කටයුතු කළ යුතු වුව ද වර්ෂ 2018 තෙක් පැවති කිරි නිශ්පාදනයේ ප්රගතිය මේ වනවිට අපගමනය වෙමින් ඇතැයි අධ්යක්ෂ ජනරාල්වරිය පෙන්වා දුන්නාය.
ඇය අද (12) මේ බව ප්රකාශ කළේ සත්ත්ව නිෂ්පාදන හා සෞඛ්ය දෙපාර්තමේන්තුවට අයත් ගන්නෝරුව පුහුණු ආයතනයේ පැවැති ගොවි නායක පුහුණු වැඩසටහනකදී ගොවී ප්රජාව අමතමිනි. .
දියර කිරි නිෂ්පාදනය ඉහළ නැන්වීම සඳහා ගොවීන් පාරම්පරික සාම්ප්රදායික කිරි කර්මාන්තයෙන් බැහැරව නව තාක්ෂණය හා එක්ව කටයුතු කිරීම අත්යවශ්යය බව ද ඇය පැවසුවාය.
මෙම අවස්ථාවට කෘෂිකර්ම දෙපාර්තමේන්තුවේ අතිරේක ලේකම් සංචික පෙරේරා, සත්ත්ව නිෂ්පාදන හා සෞඛ්ය දෙපාර්තමේන්තුවේ හිටපු අධ්යක්ෂ ජනරාල් ආචාර්ය නිමල් චන්ද්රසිරි, පේරාදෙණිය විශ්වවිද්යාල පශු වෛද්ය පීඨයේ පීඨාධිපති මහාචාර්ය අනිල් පුෂ්පකුමාර ඇතුළු පිරිසක් සහභාගි වූහ.
