පසුගිය කාලවකවානුවේ දී පාතාල මනුෂ්ය ඝාතන ගණනාවක් සිදු වූ බවත් තමන් එය දකින්නේ පහනක් නිවී යනවිට දැල්ල වැඩි එළියක් දක්වනවා වැනි සංසිද්ධියක් ලෙස බවත් පොලිස්පති දේශබන්දු තෙන්නකෝන් පවසයි.
“මේ ඝාතන රැල්ලේ අවසාන හරිය මේ යන්නේ.මේක ඉක්මනට නිවලා දානවා.” පොලිස්පතිවරයා කියයි.
ඔහු මේ බව ප්රකාශ කළේ ඊයේ (02) මල්වතු පාර්ශවයේ අනුනායක පූජ්ය නියංගොඩ ශ්රී විජිතසිරි නාහිමියන් ද අස්ගිරි පාර්ශවයේ අනුනායක පූජ්ය ආණමඩුවේ ධම්මදස්සී නාහිමියන් ද බැහැදැකීමෙන් අනතුරුව මාධ්ය හමුවේ අදහස් දක්වමිනි.
විෂ මත්ද්රව්ය නැති කිරීමේ ඉලක්කය මුළු මනින්ම ළඟා කරගන්නා තෙක්ම යුක්තිය මෙහෙයුම ක්රියාත්මක කර ඒ හා බැදුණු සංවිධාන්තමක අපරාධ නතර කිරීමට කටයුතු කරන බව පොලිස්පතිවරයා කීවේය.
“සංවිධානාත්මක අපරාධ කල්ලි වල බොහොයක් දෙනා අපරාධ මෙහෙයවන්නේ මැද පෙරදිග හා වෙනත් රටවල සිටයි. ජත්යන්තර පොලිසියේ සහයත් ලබා ගනිමින් අපි ඒ අය රටට ගෙන්වා ගැනීමට ක්රියාදාමයක් ආරම්භ කළා. විදේශ රටවල පොලිස් අත්අඩංගුවේ ඉන්න මෙරටට අවශ්යය අපරාධකරුවන් රටට ගෙන්වා ගැනීම සඳහා මහජන ආරක්ෂක ඇමැතිවරයාගේ සහ විදේශ කටයුතු ඇමැතිවරයා ඒකාබද්ධව කටයුතු කරමින් සිටිනවා. මේ සම්බන්ධයෙන් විදේශ රටකින් කැඳවීමක් ලද විගස පිටත්ව යන්නට අපරාධ පරීක්ෂණ දෙපාර්තමේන්තුවේ කණ්ඩායමක සූදානමින් ඉන්නේ. “
“විදේශ ගතව සිටින අපරාධකරුවන් රටට ගෙන්වා ගැනීම අපි අපේක්ෂා කරන වේගයෙන් කළ නොහැකියි. ඒ සඳහා යම් ක්රමවේදයක් තිබෙනවා. විදේශ රටවල අත්අඩංගුවේ පසුවන රටට අවශ්යය ප්රධාන පෙළේ අපරාධකරුවන් කිහිපදෙනෙක් හඳුනාගෙනයි ඉන්නේ . ඔවුන් ඉක්මනින් ගෙන්වා ගන්නවා. “
“පොලිීසියේ හෝ හමුදාවේ සේවය කරමින් සිටින හා සේවය අතහැර ගිය අවි පුහුණුව ලද අයව පාතාල අපරාධ සඳහා කුලියට ගැනීම බොහෝ කලයක පටන් සිදුව තිබෙනවා. ආරක්ෂක ලේකම්, ඒකාබද්ධ මාණ්ඩලික ප්රධානි හා ත්රිවිධ හමුදාපතිවරු සමඟ මේ සම්බන්ධව සාකච්ඡා කරලා තියනවා මේ ගැන. ඒ වගේම පොලීසියේත් ඉන්නවා අපරාධ වලට යොමුවූ අය. මොවුන් සම්බන්ධයෙන් ද අපි ඒකාබද්ධ වැඩපිළිවෙළක් ක්රියාත්මක කරනවා.” පොලිස්පතිවරයා පැවසුවේය.
