කීර්ති ප්රනාන්දු –
දේශපාලනය හැර වෙන කිසිම දෙයක් නොකළ, ඒ නිසාම දේශපාලන පත්වීමක් ලෙස කුලපති ධූරය ලද මුරුත්තෙට්ටුවේ ආනන්ද හිමියන්ගෙන් එම තනතුර ඉවත් කරන ලෙස කොළඹ විශ්වවිද්යාලයීය මහා ශිෂ්ය සංගමය ජනාධිපතිවරයාගෙන් ලිඛිතව ඉල්ලා සිටී.
මහා ශිෂ්ය සංගමය පෙන්වා දෙන්නේ කුලපති තනතුර ශ්රී ලංකාවේ රාජ්ය නායකයා විසින් පත් කරනු ලබන නාම මාත්රික තනතුරක් වුව ද විශ්වවිද්යාලයක කුලපති ධූරය යනු එකී විශ්වවිද්යාලයේ ගෞරවය කීර්තිය ප්රකාශවන සංකේතයක් බවය.
මුරුත්තෙට්ටුවේ ආනන්ද හිමියන් කුලපති ධූරයට පත් කිරීම කොළඹ විශ්වවිද්යාලයේ ශිෂ්ය ප්රජාවගේත් සමස්ථ සමාජයේත් දැඩි අප්රසාදයට පත් වී ඇති කරුණක් බව පෙන්වා දෙන මහා ශිෂ්ය සංගමය ජනාධිපතිවරයාගෙන් ඉල්ලා සිටින්නේ ජනාධිපතිවරයාට ඇති විධායක බලය හරහා මෙම කුලපතිවරයා ධූරයෙන් ඉවත් කර වෙනත් කුලපතිවරයෙක් පත් කිරීමට පියවර ගන්නා ලෙසය.
මහා ශිෂ්ය සංගමය ජනාධිපතිවරයාට යැවූ ලිපිය පහත දැක්වේ.
