බලයට ඇති පෙරේතකම පෙන්වමින් ජාතික ජන බලවේගය මඩකලපුව දිස්ත්රික්කයේ පළාත් පාලන ආයතනවල බලය පිහිටුවීමට පිල්ලෙයාන්ගේ පක්ෂය සමග එකතු වී එන්පීපී – පිල්ලෙයාන් හවුලක් හදාගත් බවත්, හවුල් හදාගෙන පරාද වූ බව ඉලංකෙයි තමිල් අරසු කච්චි පක්ෂයේ මඩකලපු දිස්ත්රික් පාර්ලිමේන්තු මන්ත්රී ෂානක්කියන් රාජපුත්තිරන් රාසමාණික්කම් අද (17) පාර්ලිමේන්තුවේ දී හෙළි දරවු කළේය.
ඔහු කීවේ පිල්ලෙයාන්ලා ඉලංකෙයි තමිල් අරසු කච්චි පක්ෂයට පළාත් පාලන ආයතනවල බලය පිහිටුවීම සඳහා සහයෝගය ලබා දී එකට වැඩ කිරීමට යෝජනා කළ විට එය ප්රතික්ෂේප කළේ තමන් ප්රතිපත්තිගරුක දේශපාලනයක් කරන නිසා බවය.
එහෙත් ඉලංකෙයි තමිල් අරසු කච්චි පක්ෂය විසින් ප්රතික්ෂේප කළ, දැනට පාස්කු ප්රහාරය සහ මිනී මැරුම් අපරාධ සම්බන්ධව සැකකරුවෙක් ලෙස ජාතික ජන බලවේග රජය යටතේම ලබා දුන් රඳවා ගැනීමේ නියෝග මත ප්රශ්න කරමින් සිටිනා අපරාධකරුවෙකුගේ දේශපාලන පක්ෂයක් සමග ජාතික ජන බලවේගය එකතු වී කරන දේශපාලනය සම්බන්ධව ඔවුන් ලජ්ජා විය යුතු බව ද රාසමාණික්කම් මන්ත්රීවරයා පැවසුවේය.
ඔහු මෙසේ ද පැවසුවේය.
“අද මඩකලපුව දිස්ත්රක්කයේ සභා 12ක් තියනවා. එක් සභාවක හරි එන්පීපී එකේ උප සභාපති හෝ උප නගරාධිපති තනතුරුවත් ගන්න බැරිවුනා. 12වැනි සභාවක් තියනවා. ඒකත් අපි පිහිටුවනවා.”
“හැබැයි කතානායක තුමා… ඔබතුමා නියෝජනය කරන පක්ෂය ඇතුළු ආණ්ඩුව ලජ්ජා වෙන්න ඕන කාරණාවක් තියනවා. ඒක මම මේ සභාවෙදි කියන්නම්. ”
“පිල්ලෙයාන් කියන්නේ හැමෝම දන්නවා. ඔබතුමාලගේ ආණ්ඩුව යටතේ දැනට හිරේ ඉන්න පුද්ගලයෙක්. පාස්කු ප්රහාරය හා සම්බන්ධව. වෙනත් මර්ඩර් හා සම්බන්ධව. තමිල් අරසු කච්චි පක්ෂයවන අපේ පක්ෂයට පිල්ලෙයාන්ගේ පක්ෂය කිව්වා ‘හැම සභාවකටම අපි අපේ සහයෝගය දෙන්නම්…. සභාව පිහිටුවන් යන්න. අපි එකට වැඩ කරමු’ කියලා. අපි කිව්වා නෑ… අපි ප්රතිපත්තිමය වශයෙන් පිල්ලෙයාන්ල එක්ක එකතු වෙලා සභාවක් පිහිටුවන්නේ නෑ කියලා කිව්වා.
හැබැයි අද ජාතික ජන බලවේගය පක්ෂය කලවංචිකුඩි ප්රාදේශීය සභාවේ එන්.පී.පී පිල්ලෙයාන් හවුල එකතු වුනා. ඒත් පැරදියි. මහ නගර සභාවේ එන්පීපී පිල්ලෙයාන් හවුල… සමගි ජන බලවේගයේ කණ්ඩායමේ එක්කෙනෙකුට නියෝජ්ය නගරාධිපති කම දෙන්නම් කියලා… එච්චර දුරට ගියා.
මම හිතන්නේ ඉදිරිපෙළ ඉන්න ඇමතිවරුන්ගේ හා ජනාධිපතිතුමා ප්රමුඛ කණ්ඩායමේ මේකට ඇග්රිමන්ට් එකක් නැතිව ඇති. එන්.පී.පී පිල්ලෙයාන් හවුල ගැන. එන්පීපී නායකයො මේක දන්නේ නැතිව ඇති. දිස්ත්රික් මට්ටමේ කට්ටිය කරන වැඩ.
අපි කිසිසේත් සම්බන්ධ වෙන්නෙ නැතිකොට බලයට පෙරේත වෙලා කලවංචිකුඩි ප්රාදේශීය සභාවෙ බලයට පෙරේතකමට පිල්ලෙයාන් එක්ක එකතු වෙලා සභා පිහිටුවන්න ගියා එන්පීපී එක.
