බොරැල්ල – හල්ගහකුඹුර ප්රදේශයේදී පුද්ගලයෙකුට T56 වර්ගයේ ගිනිඅවියකින් වෙඩිතැබීමේ සිද්ධිය සම්බන්ධයෙන් සිදුකෙරෙන විමර්ශනවලට අදාළව සැකකරුවන් දෙදෙනෙක් ඊයේ බොරැල්ල සිරිසර උයන සහ වැල්ලම්පිටිය සේදවත්ත ප්රදේශවලදී අත්අඩංගුවට ගෙන තිබේ.
සැකකරුවන් අවුරුදු 18 හා 19 වයස්වල පසුවන බොරැල්ල හා වැල්ලම්පිටිය ප්රදේශවල පදිංචිකරුවන් ය.
එක් සැකකරුවෙකු අපරාධයට යොදාගත් යතුරුපැදියේ පැදිකරු ලෙස කටයුතු කර ඇති බවට පොලීසිය තොරතුරු සොයාගෙන තිබේ.
මෙම අපරාධයට සම්බන්ධව මේ වන විට සැකකරුවන් 06 දෙනෙකු මේ වනවිට අත්අඩංගුවට ගෙන තිබේ.
බොරැල්ල, හල්ගහකුඹුර වත්ත (ඩම්ප් එක වත්ත) ප්රදේශයේදී පසුගිය (24) දා සවස මෙම වෙඩි තැබීම සිදුවිය.
එදින පස්වරු 05.45 ට පමණ යතුරුපැදියකින් පැමිණි නාඳුනන තුවක්කුකරුවන් දෙදෙනෙකු විසින් T56 ගිනිඅවියක් භාවිතා කරමින් මෙම වෙඩිතැබීම සිදුකර තිබිණි. වෙඩි ප්රහාරයට ඉලක්ක වූ පුද්ගලයා දිවගොස් දිවි බේරා ගත්තේය.
