සමාජයේ ද ඉහළ මට්ටමේ සම්බනධතා සහිතව මත්කුඩු ජාවාරමේ ප්රබල භූමිකාවක් සිදුකළ පාතාල අපරාධකරුවෙක් බොරැල්ල පොලිස් වසමේ ආනන්ද රාජකරුණා මාවතේ මහල් නිවාස සංකීර්ණයක් තුළ ඊයේ (19) රාත්රියේ දී වෙඩි ප්රහාරයකට ලක් වී තිබේ.
ඉලක්කගත පුද්ගලයා ප්රධාන පෙළේ මත්ද්රව්ය ජාවාරම්කරුවෙක් මෙන්ම පාතාල කල්ලි සාමාජිකයෙක් ලෙස ලේඛණගත වී ඇතැයි පොලිසිය කියයි. ඔහ ුමත්ද්රව්ය පිළිබඳ නඩුවකට බන්ධනාගාරගත වී ඇප පිට නිදහස්ව ඇත්තේ මිට දින කීපයකට පෙරය.
මේ වනවිට කොළඹ ජාතික රෝහලේ දැඩි සත්කාර ඒකකයේ ප්රතිකාර ලබනා තුවාලකරු අවුරුදු 38ක් පමණ වයස කොළඹ 14, නාගලගම් වීදියේ පදිංචිකරුවෙකි.
වෙඩි ප්රහාරයට ලක් වූ පුද්ගලයා මීට දින කීපයකට පෙර මෙම මහල් නිවාසයේ තාවකාලිකව පදිංචියට පැමිණ තිබේ. යතුරුපැදියකින් පැමිණි කුලී ඝාතකයෙක් රිවෝල්වරයක් වැනි ගිනි අවියකින් වෙඩි තැබීමෙන් පසු කුලී ඝාතකයා පලාගොස් ඇති බව පොලිස් විමර්ශනවලදී අනාවරණය වී ඇත.
වෙඩි තැබීමට බිම්සර නැමැති පාතාලයාගේ කල්ලිය විසින් සිදුකර ඇති බව විමර්ශන අංශ කියයි. වෙඩි තැබීමට අදාල හේතුව මෙතෙක් අනාවරණය වී නැත.
