ඉන්ධන බෙදා හැරීමේ බවුසර රථ තුනක බලපත් වහාම ක්රියාත්මක වන පරිදි අත්හිටුවීමට සිපෙට්කෝ ආයතනය සහ ලංකා ඉන්දියන් ඔයිල් ආයතනය පියවර ගෙන ඇති බව විදුලිබල සහ බලශක්ති අමාත්ය කංචන විජේසේකර පවසයි.
මෙම ඉන්ධන ප්රවාහන රථ මඟින් සිදු කරන ලද අකටයුතුකම් තුනක් පිළිබඳව සමාජ මාධ්යවල පළවීමෙන් පසුව අදාල සමාගම් මේ පිළිබඳව පියවර ගෙන ඇති අතර එ සම්බන්ධයෙන් සමාගම් මට්ටමින් විමර්ශන පැවැත්වෙන බවද අමාත්යවරයා පවසයි.
එසේම මෙවැනි අනාවරණයක් කිරීම සඳහා අවධානයෙන් සිටි ජනතාවට ඔහු සිය කෘතවේදීත්වයද පළ කළේය.
මේ අතර ලංකා අයි.ඕ. සී සමාගම ද අද සමාජ මාධ්යවල වෛරසාකාරයෙන් ව්යාප්ත වුණු කොළඹ බම්බලපිටිය ප්රදේශයේ ඉන්ධන ප්රවාහන රථයක් පිළිබිඳව වාර්තා වූ වීඩියෝ ව ට අදාල සිදුවීම පිළිබඳව සිය කණස්සල්ල පළ කරනු ලැබීය. සමාගම ඒය වැරදි සහ සදාචාර විරෝධී ක්රියාවක් බවද අවධාරණය කරයි.
පවතින ක්රමවේදයට අනුව ඉන්ධන ප්රවාහන රථ හිමිකරුවා සම්බන්ධයෙන් පියවර ගන්නා බවද එම සමාගම පවසයි.
