දිනසේන රතුගමගේ –
යාපනය පේදුරුතුඩුව රෝහලේ තරුණ වෛද්යවරයෙකු සිය කාමරය තුළ සිය දිවි හානි කරගෙන සිටියදි ඔහුගේ මළ සිරුර ඊයේ (12 ) හමු වී තිබේ.
ප්රේමේන්ද්රරාජා ක්රිෂාන් නැමති 30 හැවිරිදි මෙම වෛද්යවරයා නිර්වින්දන ඖෂධයක් අධික ලෙස එන්නත් කර ගැනීමෙන් හා අඝ්රාණය කිරීමෙන් මියගොස් ඇති බවට මූලික පරීක්ෂණ වලදී තොරතුරු හෙළි වී ඇත.
මියගිය වෛද්යවරයා වසර හතක කාලයක් වෛද්යවරියක සමග ප්රේම සම්බන්ධයක් පවත්වා ගෙන ගොස් ඇති අතර වෛද්යවරයාගේ මව ශාස්ත්රකරුවෙක් පළ කළ ප්රකාශයක් හේතුවෙන් එම විවාහයට කැමැත්ත ලබා දී නොමැත.
මේ දෙදෙනා විවාහ වුවහොත් ස්වාමියා මාස තුනකට වඩා වැඩි කාලයක් ජීවත් නොවන බව ශාස්ත්රකරු කීම නිසා කොළඹ පදිංචිව සිටින මව එම විවාහයට අවසර ලබා දී නොමැත.
පෙමින් වෙලී සිටින වෛද්යවරිය වෛද්යවරයාට ඉක්මනින්ම විවාහ වියයුතු බව දන්වා සිටීම නිසා තරුණ වෛද්යවරයා දැඩි මානසික ආතතියකට පත්ව සිටි බව එම රෝහලේ වෛද්යවරුන් පේදුරුතුඩුව පොලීසියට ප්රකාශ කොට තිබේ.
සිද්ධිය වූ දිනයේදී කාමරයට ගිය වෛද්යවරයා සිය පෙම්වතියට දුරකතන ඇමතුමක් ලබා දී තමන් සිය දිවි හානි කරගන්නා බව දැණුම් දී පසුව නිහඩ වී ඇත.
වෛද්යවරයා මියයන්නට පෙර කඩදාසියක යමක් සටහන් කිරීමට උත්සහ කොට ඇතත් ඔහුට එය කිරීමට නොහැකි වීම නිසා කඩදාසියේ කුඩා අකුරු තුනක් පමණක් සටහන් වී තිබියදී පොලීසිය විසින් එම ලිපිය සොයා ගෙන තිබේ.
දුරකතන ඇමතුමෙන් පසුව කලබලයට පත් වෛද්යවරයි පේදුරුතුඩුව රෝහලේ වෛද්යවරුන්ට දුරකතන ඇමතුමක් ලබා දී ඔහු ගැන විපරම් කොට බලන ලෙස දැණුම් දී අති අතර වෛද්යවරු පැමිණ බලන විට ඔහු මියගොස් සිට ඇත.
ඉතා ධනවත් පවුලක දරුවකු වන වෛද්යවරයා නේපාලයේදී වෛද්ය උපාධිය ලබා ගෙන පේදුරුතුඩුව රෝහලේ මාතෘ වාට්ටුවේ සේවයට පැමිණ ඇති අයෙකි.
මළ සිරුර පශ්චාත් මරණ පරීක්ෂණ කටයුතු සඳහා පේදුරුතුඩුව රෝහල වෙත රැගෙන ගොස් ඇති පොලීසිය සිද්ධිය සම්බන්ධයෙන් පරීක්ෂණ පවත්වා ගෙන යයි.
