සූරියවැව නුවන් ජයසේකර –
වසර 11කට පෙර සිය බාලවයස්කාර දියණියව බියගන්වා බළහත්කාරයෙන් අඹුකමට ගත් පාපතර පියෙකුට වසර 15ක බරපතළ වැඩ සහිත සිර දඩුවමක්, රුපියල් 10,000ක දඩයක් හා අගතියට පත් දැරියට රුපියල් ලක්ෂ 03ක වන්දියක් ගෙවන ලෙස හම්බන්තොට මහාධිකරණ විනිසුරුවරයා ඊයේ (26) සවස නියම කෙරුණි.
මෙලෙස සිර දඩුවම් නියම වුයේ කතරගම කදසුරිදුගම පදිංචි 70 හැවිරිදි තිදරු පියෙකුටය.
චුදිත පියා විසින් 2012.04.01 දින සිට බළහත්කාරයෙන් සිය දියණියව බියගන්වමින් අවස්ථා ගණනාවකදිම ඇයව අපයෝජනයට ලක්කර තිබේ. අගතියට පත් දැරිය පාසල් යමින් සිටියදි වෙනත් තරුණයෙකු හා පෙම් සබධතාවයක් පවත්වාගෙන ගොස් ඇති අතර මේ සදහා චුදිත පියා හා දැරියගේ මව තදින්ම විරුද්ධ වි ඇත.
කෙසේ නමුත් අගතියටපත් දැරිය නිවැසියන්ට හොර රහසේ මෙම පෙම් සබධතාවය පවත්වාගෙන ගොස් තිබේ. පසුව පියාද මේ සදහා මවට හොරා මෙම පෙම් සබධතාවය පවත්වාගෙන යාමට සිය දියණියට උදව් කර තිබේ. එළෙස දියණියට වෙනත් තරුණයෙකු හා පෙම් සබධතාවයක් පවත්වාගෙන යාමට උදව් කළ පියාද බිරිය නොමැති අවස්ථාවලදි සිය දියණියව අඹුකමට ගෙන ඇත.
පියාගෙන් සිදුවන හිරි හැර දිගින් දිගටම ඉවසා සිටිමට නොහැකිව දැරිය විසින් මේ සම්බන්ධයෙන් මවට පවසා කතරගම පොලිසියට පැමිණිල්ලක් කර තිබේ. ඒ අනුව විමර්ශන පැවැත්වු කතරගම පොලිසිය චුදිත පියා අත්අඩංගුවට ගෙන තිස්සමහාරාම මහේස්ත්රාත් අධිකරණයට ඉදිරිපත් කිරීමෙන් පසු පැවති මුලික නඩු විභාගයෙන් අනතුරුව නිතිපති වරයා විසින් චුදිතට එරෙහිව 2015.10.05 වන දින හම්බන්තොට මහාධිකරණය හමුවේ අධිචෝදනා ගොනු කරන ලදි. එහිදි පැවති දිර්ඝ නඩු විභාගයකින් පසු පැමිණිල්ල විසින් චුදිත අදාල චෝදනාවට වැරදි කරු බවට සාධාරණ සැකයෙන් ඔබ්බට ඔප්පු කිරීමට සමත් වීය.
ඒ අනුව මහාධිකරණ විනිසුරුවරයා අදාල චෝදනාව සදහා චුදිතට වසර 15ක බරපතළ වැඩ සහිත සිර දඩුවමක් නියම කළේය. ඊට අමතරව රුපියල් 10,000ක දඩයක් නියම කළ අතර චුදිත දඩ නොගෙවන්නේ නම් තවත් වසර එකක බරපතළ වැඩ සහිත සිර දඩුවමක් නියම කළේය.
ඉහත දඩුවම් වලට අමතරව අගතියටපත් දැරියට රුපියල් ලක්ෂ 03ක වන්දි මුදලක් ගෙවන ලෙසටද මහාධිකරණ විනිසුරු වරයා චුදිතට නියම කළේය. චුදිත අදාල වන්දි මුදල නොගෙවන්නේ නම් ඉහත සියළු දඩුවම්වලට අමතරව තවත් වසර 03ක බරපතළ වැඩ සහිත සිර දඩුවමක් නියම කෙරුණි.
වන්දි මුදල් නොගෙවිම මත ක්රියාත්මක විය යුතු සිර දඩුවම මුලික සිර දඩුවම් කාලය අවසන් වීමෙන් අනතුරුව වෙන්ව ක්රියාත්මක විය යුතු බවටද මහාධිකරණ විනිසුරුවරයා බන්ධනාගාර අධිකාරී වරයාට නියෝග කළේය.
නීතිපති වරයා වෙනුවෙන් රජයේ අධිනීතීඥ අනුරාධ විජේසුරේන්ද්ර පැමිණිල්ල මෙහෙයවන ලදි.
