පැරිස් ඔලිම්පික් උළෙල අතරතුර පැවැත්වීමට නියමිත පාපන්දු ඉසව්වලට ප්රහාර එල්ල කිරීමේ සැලසුමක් ප්රංශ ආරක්ෂක බලධාරීන් විසින් ව්යර්ථ කළ බව එරට බලධාරීන් ප්රකාශ කර තිබෙනවා.
විදෙස් මාධ්ය වාර්තාවල සඳහන් වන පරිදි ප්රංශයේ අභ්යන්තර කටයුතු පිළිබඳ අමාත්යවරයා නිවේදනයක් නිකුත් කරමින් පවසා ඇත්තේ පැරිසියේ සිට සැතපුම් 260 ක් පමණ දකුණින් පිහිටා ඇති Saint Etienne නගරයේ සැලසුම් කර ඇති පාපන්දු තරඟවලට ප්රහාර එල්ල කිරීමේ සැලසුමක් පිටුපස සිටි බවට සැකපිට 18 හැවිරිදි තරුණයෙකු පසුගිය මැයි 22 වන දා අත්අඩංගුවට ගෙන ඇති බවයි.
ප්රංශයේ ජාතික ත්රස්ත විරෝධී නඩු පවරන්නන්ගේ කාර්යාලය ඊයේ එනම් සිකුරාදා (31) ප්රකාශයක් නිකුත් කරමින් කියා සිටියේ අයිඑස් සංවිධානයේ ජිහාඩ් මතවාදය වෙනුවෙන් මෙලෙස ප්රහාර සැලසුම් කළ බවට ප්රංශ බලධාරීන් එම තරුණයාට එරෙහිව මූලික ත්රස්තවාදී චෝදනා ඉදිරිපත් කළ බවයි. එම තරුණයා වැඩිදුර විමර්ශන සඳහා අත්අඩංගුවේ පසුවන බව ද සඳහන්.
මූලික විමර්ශන වලදී මෙම පුද්ගලයා ඔලිම්පික් ක්රීඩා උළෙලේ පාපන්දු තරඟ කිහිපයක් පැවැත්වීමට නියමිත Saint Etienne නගරයේ Geoffroy Guichard ක්රීඩාංගණය ඉලක්ක කරගෙන ප්රහාරයක් සූදානම් කරමින් සිට ඇති බව අනාවරණය වී ඇති අතර තරඟ වලට සහභාගී වන ප්රේක්ෂකයින් සහ පොලිස් බලකායන් ඉලක්ක කර ගනිමින් මෙම ප්රහාර සැලසුම් කර ඇති බව ද එම නිවේදනයේ වැඩිදුරටත් සඳහන් වනවා.
පැරිස් ඔලිම්පික් උළෙල එළඹෙන ජූලි 26 වන දා සිට අගෝස්තු මස 11 වන දා දක්වා පැවැත්වෙන අතර මිලියන 10 ක් පමණ නරඹන්නන් ප්රමාණයක් සහ 10,000 ක් පමණ වන ක්රීඩක ක්රීඩිකාවන් පිරිසක් පැරීසියට පැමිණෙනු ඇතැයි අපේක්ෂා කරන බැවින් ප්රංශය ඔලිම්පික් උළෙලට එල්ල විය හැකි ප්රහාර සම්බන්ධයෙන් ඉතා අවධානයෙන් පසුවන බව විදෙස් මාධ්ය වැඩිදුරටත් වාර්තා කර තිබෙනවා.
