පාස්කු ප්රහාරය ගැන තොරතුරු තමන් ලඟ ඇති බව ඉලංකෙයි තමිල් අරසු කච්චි පාර්ලිමේන්තු මන්ත්රී චනක්යන් රාසමානික්කම් අද පාර්ලිමේන්තුවේ දී පැවසුවේය.
ට්රිපෝලි කණ්ඩායම ගැන තොරතුරු හෙළි කළේ තමන් ගේ කණඩායම විසින් බව පැවසූ රාසමානික්කම් මන්ත්රීවරයා පිල්ලෙයාන් විසින් සිදුකළ අපරාධ සහ නීති විරෝධී ගනුදෙනු 32ක් සහිතව හිටපු අගමැතිවරයාට ලිපියක් භාර දුන් නමුත් සිදුවූ දෙයක් නැතැයි කී රාසමානික්කම් මන්ත්රීවරයා දැන් රජයට යෝජනා කළේ තමන්ගෙන් එම තොරතුරු ලබාගෙන ඉදිරි විමර්ශන කරගෙන යන ලෙසය.
පාස්කු ප්රහාරය ගැන තොරතුරු තව අපි ලඟ තියනවා. ඒ ගැන ආරක්ෂක ඇමතිවරයත් දැනුම්වත් කරලා තියනවා. දැන් ආරක්ෂක ඇමති තුමත් මෙතන ඉන්නවා.
අපටත් අවස්ථාවක් දෙන්න. අපි පාර්ලිමේන්තුව ඇතුළෙ ට්රිපොලි ප්ලැටුන් එක ගැන කරුණු ගොඩාක් ඉදිරිපත් කළා. අවස්ථාවක් දෙන්න. අපි ඒ කණ්ඩායම් සමබන්ධ කරලා දෙන්නම්. තව සාක්ෂි ගන්න පුලුවන්. ඒක කරන්න. මේ කරුණු ඇතුළත් කරුණු 32ක් සම්බන්ධව ලිපියක් හිටපු අගමැතිවරයාට බාර දුන්න. ඒ ලිපියට වෙච්චි දෙයක් නෑ.
වංචා දූෂණ ගැන අපිත් කතා කළා. මම හිතන්නේ මඩකලපුවේ මට ඡන්ද හැට පන් දාහක් හම්බවුනේ එන්පීපී එක කිව්වා හා සමානවම දේවල් අපිත් කිව්වා. පිල්ලෙයාන් කරපු දේවල් අපිත් කිව්වා. දැන් ඉන්න ජනාධිපති තුමා හරි අගමැති තුමා හරි අපෙන් ඉල්ලගන්න. කොහෙද ඉඩම් අල්ලගත්තේ. කොහෙද රජයේ ඉඩම් දීලා සල්ලි ගත්තේ කියලා. අපි ගාව තොරතුරු තියනවා. මේව ගැන පරීක්ෂණ පවත්වන්න. රටේ ජනතාව මේවා දිහා බලාගෙන ඉන්නේ.
මේ අවස්ථාවේ දි නැගී සිටි අධිකරණ ඇමති හර්ෂණ නානායක්කාර ප්රකාශ කළේ නඩු පැවරීමේ දි චූදිතයාට ගැලවී යෑමට ඉඩක් නොමැතිව නිවැරදි සාක්ෂි සහිතව නඩු පැවරිය යුතු බව පෙන්වා දුන්නේය. තව මාස දෙකක කාලයක් ඉවසීමෙන් සිට සිදුවන්නේ කුමක්දැයි බලන ලෙස අධිකරණ ඇමතිවරයා ඉල්ලා සිටියේය.
