ශ්රී ලංකාවේ නිර්මාණය වි ඇති ආර්ථික අර්බුදයත් සමඟ බැංකු විසින් ණය කොන්දේසි දැඩි කර ඇති බැවින් පවතින කාර්තුවේදී ණය අයදුම්පත් ප්රතික්ෂේප කිරීම් සංඛ්යාව අතිශය ඉහළ මට්ටමකට ළඟා වෙනු ඇතැයි අපේක්ෂා කෙරේ.
මහ බැංකුව විසින් සිදු කර ඇති සමීක්ෂණයකට අනුව අර්බුදය ඇරඹීමටත් පෙර වසරේ මුල් මාස තුන තුළදීත් ප්රතික්ෂේප වූ ණය ඉල්ලුම්පත්ර සංඛ්යාවේ පැහැදිලි ඉහළ යාමක් දක්නට තිබේ. මෙම තත්ත්වය රජයේ බැංකුවල පමණක් නොව පෞද්ගලික බැංකු පද්ධතිය තුළත් නොබෝ කලකින්ම දක්නට ලැබෙනු ඇතැයි මහ බැංකු වාර්තා පෙන්වා දෙයි.
2021 අවසන් කාර්තුව හා සසඳා බලන විට 2022 පළමු කාර්තුවේ ණය අයදුම්පත් ප්රතික්ෂේප වීම් සුළු වශයෙන් දක්නට තිබූ අතර 2022 දෙවන කාර්තුව වන විට එම තත්ත්වය තවත් ඉහළ යනු ඇතැයි මහ බැංකුව බලාපොරොත්තු වේ.
“මෙරට පවතින ආර්ථික සමාජීය හා දේශපාලන අස්ථාවරත්වය නිසා ණය ඉල්ලම්කරුවන්ට යළි ණය ගෙවීමට ඇති හැකියාව සම්බන්ධයෙන් දැඩි ලෙස ප්රශ්න කිරීමට බැංකුවලට සිදුව තිබේ.
ඔවුන්ගේ ණය කොන්දේසි ද දැඩි ලෙස ඉහළ දමා හැකිතාක් ණය ගැතියන් අවම කර ගැනීමට බැංකු කටයුතු කරන බව පෙනී යයි. 2022 දෙවන කාර්තුවට පසු ණය දීමට සමස්ත බැංකුවල ඇති කැමැත්ත තවදුරටත් පහත වැටෙනු ඇත..” සමීක්ෂණ වාර්තා අනාවරණය කරයි.
