පහසුම දේ අත්හැර අප දැන් බරතලම අභියෝගය ජය ගැනීමේ කඩඉමට පැමිණ තිබේ.
ආසියානු ශූරියන් වශයෙන් මුල්ම පහසු ජයග්රහණය අප මගහැරගෙන ඇත. චමරි අතපත්තු ප්රමුඛ ශ්රී ලංකා කණ්ඩායම තවදුරටත් ලෝක ශූරතා තරගාවලියේ තරගකාරීව රැඳී සිටීමට නම් අද (05) පැවැත්වෙන තරගය ජය ගත යුතුය. බී කාණ්ඩය යටතේ පැවැත්වෙන මෙම තරගය අපට අවසන් මහා තරගය සේම වැදගත්ය.
අවසන් පූර්ව වටයට බලාපොරොත්තු තබා ගැනීමට මේ තරගය අනිවාර්යයෙන්ම ජය ගත යුතුය. එය කිසිසේත්ම පහසු අභියෝගයක් නොවේ. අප තරග කරන්නේ ඔස්ට්රේලියානු කණ්ඩායම සමගය. ලෝකයේ අංක 01 කණ්ඩායම සමගමය. ලෝක ශ්රේණිගතකිරීම්වල අප ඉන්නේ 07ය. අනික් කාරණාව නම් අප කවදාවත් ඔස්ට්රේලියානු කණ්ඩායම සමග විස්සයි 20 තරගයක් මෙතෙක් ජයගෙන නැත. ශ්රි ලංකාව සහ ඔස්ට්රේලියාව අවසන් වරට හමුවන්නේ 2023 විස්සයි20 ලෝක කුසලානයේ දී ය. එහිදී ශ්රී ලංකාවට කඩුලූ දහයක අන්ත පරාජයක් අත්විඳීමට සිදුවිය.
එහෙත් විස්සයි 20 තරග සඳහා මෙවැනි පූර්ව දත්ත සහ පුරෝකථන අදාලම නැත. ලෝකයේ අංක එකේ පසුවුන පිතිකාරිණියන් දෙදෙනෙක් අප සතුවය. විස්සයි විස්ස තරගයකදී දිනයේ වැරදි අඩුවෙන්ම කරන තරගකාරී කණ්ඩායම ජයග්රහණය කරන්නේය. ග්රහණය අත් නොහැර පන්දු 240 ක්රිඩා කිරීම සෑම පන්දුවකටම නිසි වටිනාකම සහ ඇගයීමක් ලබා දෙමින් පිටියේ වගකීම් ඉටු කරන කණ්ඩායම ජයග්රහණ කරන්නේය.
ශ්රී ලංකා වෙලාවෙන් තව පැය එක හමාරකින් එනම් 3.30ට තරගය ආරම්භ වනු ඇත.
මේ තරග රිද්මයට කාසියේ වාසිය ද වැදගත් වන අයුරු දකිමු. එනම් වාසනාවය. මුලින්ම පිතිකරණයේ යෙදෙන කණ්ඩායම හඹා යෑම සාජා හිදී පහසු නොවන ආකාරය පෙන්නුම් කර තිබිණි. පකිස්ථානය ශ්රි ලංකා කණ්ඩායම පරාජය කළේය. නවසීලන්ත කණ්ඩායම හමුවේ ඊයේ ඉන්දියාව දැවැන්ත පරාජයක් ලැබුවේය. තරග දෙකම ජයග්රහණය කළේ මුලින් පන්දුවට පහර දුන් කණඩායම්ය. මුලින් පන්සුවට පහර දුන් කණ්ඩායම් දෙවනුව පන්දුවට පහර දුන් කණ්ඩායම්වලට වඩා ශ්රේණිගත කිරීම්වල පහළය.
කෙසේ වෙතත් තමන්ට වඩා අඩු ශ්රේණිගතකිරීමට ඉන්නා පකිස්ථාන කණ්ඩායම හමුවේ ශ්රී ලංකා කණ්ඩායම ලැබූ අනපේක්ෂිත පරාජය සම්බන්ධව මේ වනවිට අන්තර්ජාතික විචාරක අවධානය යොමු වී තිබේ.
පකිස්ථානය හා තරගයේ දී ශ්රී ලංකා කණ්ඩායම හඹා ගියේ ලකුණු 117 ක පහසු ඉලක්කයකි. එහෙත් පන්දු ඕවර 20 තුළ ඔවුන් කඩුලු 9 ක් දැවී ලකුණු 85 කට සීමා විය. කෙසේ වෙත්ත ජාත්යාන්තර විචාරකයින්ට අනුව කණ්ඩායමේ වෙනසක්ම් සිදුනොවනු ඇත. ඔස්ට්රේලියාව සිය දඟ පන්දු එවන බලඇණිය ශක්තිමත් කරනු ඇති බව විශ්වාස කරයි. ඒ සඳහා ඔවුන්ට අවශ්ය තරම් තුන් ඉරියව් ක්රීඩිකාවෝ වෙති.
ලෝකකුසලාන 2023 සංස්කරණයේ තරඟාවලියේ ක්රීඩිකාව බෙත් මූනි ය. එහෙත් මෙම තරඟාවලිය දක්වා ඇය රැස් කරගෙන ඇත්තේ අඩු ලකුණු සංඛ්යාවකි. ඇයගේ ආසන්න විස්සයි 20 ජාත්යාන්තර ඉනිම පහේදී ඇය ලකුණු 15 ඉක්මවා යාමට සමත් නොවීය. ලෝකයේ දැනට සිටින අත්දැකීම් බහුල විශිෂ්ටම පිතිකාරිනියන් අතර චමරී අතපත්තු සිටින්නීය. ඇය මේ ඔස්ට්රේලියානු අභියෝගය භාර ගන්නා ආකාරය ලෝකයම බලාගෙන ඇත.
ශ්රී ලංකා කණ්ඩායමේ නායක චමරි අතපත්තු සිය කණ්ඩායම සමග එක්ව ශ්රී ලංකාව අභියෝගාත්මක ජයග්රහණයක් කරා රැගෙන යනු ඇති බව ශ්රී ලංකා ප්රේක්ෂකයින්ගේ විශ්වාසය ය.
ඕස්ට්රේලියානු සංචිතය:
ඇලිස්සා හේලි ( නායක සහ කඩුළු රකින ක්රීඩිකා) ඩාර්සි බ්රවුන්, ඇෂ්ලී ගාර්ඩ්නර්, කිම් ගාර්ත්, ග්රේස් හැරිස්, ඇලානා කිං, ෆීබී ලෙච්ෆීල්ඩ්, ටාලියා මැක්ග්රාත්, සොෆි මොලිනර්, බ්රෙත් මූනි, ඇලිස් පෙරී, මේගන් ෂට්, ඇනබෙල් සදර්ලන්ඩ්, ජෝර්ජියා වර්ලන්ඩ් ටේලා ව්ලමින්ක්
ශ්රී ලංකා සංචිතය: චමරි අතපත්තු (නායිකාව), හර්ෂිතා සමරවික්රම, විශ්මි ගුණරත්න, කවිෂා දිල්ෂාරි, නිලක්ෂිකා සිල්වා, හසිනි පෙරේරා, අනුෂ්කා සංජීවනී (WK), සචිනි නිසංසලා, උදේශිකා ප්රබෝධනී, ඉනෝෂි ප්රියදර්ශනී, අචිනි කුලසූරිය, ඉනෝකා රණවීර, සශිනි ගිම්හානි, අමා කාංචනා, සුගන්දිකා කුමාරි
