මනම්පිටිය නිමල් ජයරත්න –
දුම්රිය මාර්ගවල පීලි සවිකිරීමට යොදා ගන්නා යකඩ පට්ටම් සහ ඇණ ගැලවූ පුද්ගලයන් අටදෙනෙක් පට්ටම් 553 හා ඇණ තුන්සිය 323ක් සමග අත්අඩංගුවට ගැනීමට පොලොන්නරුව කොට්ඨාස අපරාධ විමර්ශන ඒකකය සමත් වී තිබේ.
එරාවුර්හි පදිංචි මෙම පුද්ගලයින් මේ අවුරුද්දේ ගතවුණු මාස තුන තුළ පමණක් හබරණ සිට මඩකලපුව දක්වා දුම්රිය මාර්ගය ඇතුළු දුම්රිය මාර්ගවල යකඩ පට්ටම් සහ ඇණ 7000 පමණ ගලවා එරාවුර් සිට කොළඹට ප්රවාහනය කළ බවට අනාවරණය කරගත් බව පොලොන්නරුව අපරාධ විමර්ශන අංශයේ ස්ථානාධිපති ප්රධාන පොලිස් පරීක්ෂක ප්රසන්න ජාගොඩ සඳහන් කළේය.
ඇණ සහ පට්ට්ම සොරා ගැනීම සම්බන්ධව දුම්රිය මාර්ග නඩත්තු අංශය විසින් කළ නිරීක්ෂණයකට අනුව දුම්රිය නිළධාරීන් පොලිසියට පැමිණිලි කර තිබිණි.
එම පැමිණිල්ල ප්රකාරව ඊයේ (21) පොලොන්නරුව මහා මාර්ග යතුරුපැදි ඒකකයේ පොලිස් නිලධාරීන් යොදවා පොලොන්නරුව කොට්ඨාස අපරාධ විමර්ශන අංශය මගින් සිදුකරන ලද විශේෂ පරීක්ෂාවකදී මෙම කොල්ලකරුවන් අත්අඩංගුවට ගැනීමට හැකි වී ඇත.
කොල්ලකරුවන් අත්අඩංගුවට ගැනීමට මැදිහත්වූ පොළොන්නරු මහා මාර්ග යතුරු ඒකකයේ පොලිස් නිලධාරීන් දෙපළ සඳහා මුදල් ත්යාග ප්රදානය කිරීමේ උත්සවයක් උතුරුමැද පලාත් ජේෂ්ඨ නියෝජ්ය පොලිස්පති කිත්සිරි ජයලත්ගේ ප්රධානත්වයෙන් පොලොන්නරුව ජ්යෙෂ්ඨ පොලිස් අධිකාරී කාර්යාලයේදී අද 22 සවස සිදු විය.
මෙහෙයුම සිදුකළ පොලොන්නරුව මහාමාර්ග යතුරු යතුරුපැදි ඒකකයේ පොලිස් කොස්තාපල් 20796 එච්.එම්.ජේ.ටී සංජීව කුමාර සහ, පොලිස් කොස්තාපල්, 50881 ඩබ්ලිව්. බී. එම්. චන්ද්රසේන යන පොලිස් නිලධාරීන් දෙපලට අද ( 22 ) සවස පොලොන්නරුව ජේෂ්ඨ පොලිස් අධිකාරී කාර්යාලයේදී උතුරු මැද පළාත් ජ්යෙෂ්ඨ නියෝජ්ය පොලිස් පොලිස්පති කිත්සිරි ජයලත් මහතාගේ ප්රධානත්වයෙන් අද (22) මුදල් ත්යාග පිරිනමන ලදී.
