හෝකන්දර ප්‍රදේශයේ අද (25) අලුයම 04ට තවත් ගෘහස්ත ගෑස් සිලින්ඩරයක් පුපුරා ගියේය.
කොළඹ රාජකීය විද්‍යාලයේ හිටපු ප්‍රවීන ගණිත ගුරුවරයෙක් වූ දායරත්න හෙන්නායක මහතාගේ නිවසේ මුළුතැන් ගෙය තුළ මෙම විශාල පිපීරී යෑම සිදු වී තිබිණි.
ලිට්‍රෝ ගෑස් පාරිභෝගිකයෙක් වූ ඔහු ගේ නිවසට මෙම පිපීරී යෑම නිසා දැඩි ලෙස හානි වී තිබිණි.
කිසිවෙකුටත් අනතුරක් සිදුවී තිබුණේ නැත.
මේ වනවිට කොට්ටාව පොලිසිය විසින් මේ පිළිබඳව මූලික විමර්ශණ ආරම්භ වී ඇති අතර එහිදී පෙනී ගොස් ඇත්තේ සිලින්ඩරයේ රෙගියුලේටරය අසලින් මෙම පිපිරීම සිදුව ඇති බවය. එයින් වාසනාවකට ගින්නක් ඇති වී නොමැති අතර පිපිරීම නිසා නිවසට බරපතල හානි සිදුව ඇත.
මෙරට ගෑස්වල බියුටේන් සහ ප්‍රොෙප්න් සංයුතිතය ගෑස් සමාලම් විසින් අත්තනෝමතික ලෙස පසුගිය අප්‍රිෙයල් මාසයේදී වෙනස් කිරීමත් සමග ගෘහස්ථ ගෑස් සිලින්ඩරය බෝම්බයක් විය හැකි බව රටේ විශාල විද්වත් සංවාදයක් ඇති වී තිබෙද්දී ඊයේ ලිට්‍රෝ ගෑස් බලධාරීන් ප්‍රකාශයක් කළේ මෙම ප්‍රචාරණය වැරදි සහගත බවත් එය සිදුකරන්නේ රජය අපහසුතාවයට පත් කිරීමට බවත්ය.
පිපිරී ගිය මැක්ඩොනල්ඩ් අවන්හල, හික්කඩුවේ අවන්හල ඇතුළු සිද්ධි ගණනාවක් ගෑස් අනතුරු ලෙස පිට පිටම වාර්තා වූයේය.
පොලිසිය මේ වනවිට ස්ථානීය පරීක්ෂණ අරඹා ඇත.
කියවන්න…
මැක්ඩොනල්ඩ් පිපිරීම රටට කීවේත් එල්.පී ගෑස්වල සංයුතිය වෙනස් කිරීමේ බිහිසුණු කමද ?
