-
බදු සහන ගැන කතා කරන්න කලින් ඒ දරුවා මටත් කතා කරලා උපදෙස් ගත්තා… ඒ දරුවාට කියලා “ට්රම්ප් මහත්තයි” “සකර්බර්ග් මහත්තයයි” හම්බවෙනවා….
ශ්රී ලංකාවට ඇමරිකාවෙන් බදු සහන ලැබුණේ එංගලන්තයේ ඉගෙන ගන්නා තමන් දන්නා දරුවෙක් නිසා බවත් තමන් සමග එක පන්තියේ ඉගෙන ගන්නා ඩොනල්ඩ් ට්රම්ප් ගේ දරුවෙකුට ඒ දරුවා කළ ඉල්ලීමක් අනුව එම බදු සහන ලැබුණ බවත් වලවාහැංගුන වැවේ ධම්මරතන හිමියෝ ඊයේ (13) හෙළි දරවු කළහ.
උන්වහන්සේ පැවසුවේ මේ බදු ප්රශ්නය ගැන ඉල්ලීම කිරීමට පෙර එම දරුවා තමන්ට ද කතා කළ බවය.
මේ කතාව මෙතෙක් කල් නොකියා සිටියත් දැන් කියන බව කී උන්වහන්සේ එම දරුවා හරහා තමන්ට “ ට්රම්ප් මහත්මයාත්” “සකබ මහත්මයාත්” හම්බ වෙන්නට හැකි බැවත් වලවාහැංගුනවැවේ ධම්මරතන හිමියෝ කීහ.
උන්වහන්සේ මෙසේ ද පැවසූහ.
“මතක තියා ගන්න… ඔය සීයට කීයද ඇමරිකාවෙන් ගැහුවෙ බද්දක්. දැන් සියයට 30ට දෙ කොහෙද අඩු කළා නේ. ඒ අඩු කළේ කවුරුවත් නෙමෙයි. අපි දන්න දරුවෙක්. මගෙනුත් ඇහුවා.”
“ඒ දරුවා එංගලන්තේ කේම්බ්රිජ්. ට්රම්ප් මහත්තයගේ දරුවෙක් සහ මුණුපුරෙක් ඒ දරුවාත් එක්ක ඉගෙන ගන්නවා. ඒ හරහා තමයි මේ සීයට තිහ ආවේ. ඔය එංගලන්තේ ඉන්න ළමයා කතා කරලා තමයි වටේ ගිහින් කතා කරලා තමයි ඕක ගත්තේ. “
“අපි මෙච්චරකල් කිව්වේ නෑ. දැන් කියනවා. ඒ නිසා ට්රම්ප් ජනාධිපති තුමා හම්බවෙන්නත් ඒ දරුවාට කියලා සකබ හම්බවෙන්නත් කතා කරනවා. මේ කරන විනාශ නවත්වන්න.”
