ජාතික ආර්ථිකය සහ ජාතික ආරක්ෂාව ශක්තිමත් කිරීම ප්රායෝගිකව ඔප්පු කළ බැවින්ද විපුල පරිපාලන හැකියකාවක් ඇති බැවින් ද රනිල් වික්රමසිංහ ස්වාධීන අපේක්ෂකයා ජනාධිපති කිරීම සදහා පොහොට්ටුවෙන් ගැලවී ගිය පාර්ලිමේන්තු මන්ත්රී ගීතා කුමාරසිංහ අද රනිල් වික්රමසිංහගෙන් ගැලවී සජිත් ප්රේමදාසගේ දෑත් ශක්තිමත් කිරීම සඳහා සමගි ජන බලවේග වේදිකාවට නැග්ගාය.
ඇය පසුගිය සතිය වනතුරුම රනිල් වික්රමසිංහ වෙනුවෙන් ගොඩනැගුන කාන්තා අපේ බලය වැඩසටහන්වල ප්රධාන කථිකයෙක්ව සිටියාය.
නොවැම්බර් 21 වැනිදා ගන්න තියන වැදගත්ම තීරණය රනිල් වික්රමසිංහ ජනාධිපති කිරීම බවත්, අපට හුස්ම පොදක් දුන්නේ ජනාධිපති රනිල් වික්රමසිංහ බවත් ගීතා කුමාරසිංහ කීවාය.
එසේ නොකළහොත් රට ආපස්සට යන ගමන සක්කරයාටවත් නවත්වන්න බැරි බවත් එම අගාධයට යන ගමන වැලැක්විය හැක්කේ රනිල් වික්රමසිංහට පමණක් බව ද ඇය පැවසුවාය.
අද ඇය සජිත් ගේ වේදිකාවට ගොඩවි රටට කීවේ රට බේරාගත හැකි නායකයා සජිත් ප්රේමදාස බවය.
