ලලිත් චාමින්ද –
බලය පිහිටුවීම සඳහා එක් දේශපාලන පක්ෂයකට 50%ක බහුතර මන්ත්රී සංඛ්යාවක් නැති ගාල්ල මහනගර සභාව සඳහා නගරාධිපතිවරයකු හා නියෝජ්ය නගරාධිපතිවරයකු තෝරාපත් කරගැනිම සඳහා වන පළමු රැස්විම මෙම මස 20 වැනිදින පෙ.ව 9.00ට ගාල්ල මහනගර සභා රැස්විම් ශාලාවේ දී පැවැත්වේ.
දකුණු පළාත් පළාත් පාලන කොමසාරිස් එරන්දි උමංගා මැන්දිස් විසින් අතිවිශේෂ ගැසට් නිවේදනයක් මගින් මේ බව ප්රකාශයට පත්කොට ඇත.
මෙදින ගාල්ල මහනගර සභාව සදහා නගරාධිපතිවරයකු හා නියෝජ්ය නගරාධිපතිවරයකු තෝරාගැනිමේ සටන දැඩි උණුසුම් මුහුණුවරක් ගනු ඇති බවට දේශපාලන ආරංචි මාර්ග සඳහන් කරයි.
මෙවර මැතිවරණයේ දී ජාතික ජනබලවේගය විසින් මන්ත්රිධුර 17ක් හිමිකරගෙන ඇති අතර තනි පක්ෂයක් වශයෙන් වැඩිම මන්ත්රිධුර සංඛ්යාවක් හිමිකරගෙන ඇත්තේ ජාතික ජනබලවේගයයි. එහෙත් විපක්ෂය විසින් මන්ත්රිධුර 19ක් හිමිකරගෙන ඇත.
සමගි ජනබලවේගය මන්ත්රිධුර 09ක් හිමිකරගෙන ඇති අතර එජාපය විසින් මන්ත්රිධුර 05ක් හිමිකරගෙන ඇත. ශ්රිලංකා පොදුජන පෙරමුණ මන්ත්රිධුර 03ක් හිමිකරගෙන ඇති අතර පොදුජන එක්සත් පෙරමුණ විසින් මන්ත්රිධුර 02ක් හිමිකරගෙන ඇත.
විපක්ෂය විසින් ගාල්ල මහනගර සභාවේ බලය අනිවාර්යෙන්ම ලබා ගන්නා බව ගාල්ල මහනගර සභාවේ එජාප මන්ත්රි ජිලිත් නිශාන්ත පවසයි.
විපක්ෂයේ මන්ත්රිවරු 19 දෙනාගේ සහභාගිත්වයෙන් ඒ.ඒ පක්ෂවල ප්රධානින්ගේ ප්රධානත්වයෙන් ඉදිරියේ දි රැස්විමක් පැවැත්විමට නියමිතව ඇති බවද දේශපාලන ආරංචි මාර්ග සඳහන් කරයි.
