උඩවලව ජාතික වනෝද්යානයත් බෝගහපටිටය හා සොරගුණේ වනාන්තරයත් යා කරන දහයියාගල අලිමංකඩ වගාවන් සඳහා නිදහස් කර ගැනීමට පිරිසක් උත්සාහ ගනිමින් සිටින බව වාර්තා වේ.
එම යෝජනාව අහිසංක ගැමියන්ගේ ඉල්ලීමක් ලෙස ලබන 30 වැනිදා ජනපතිවරයාගේ ගම සමඟ පිළිසඳරක් වැඩසටහනේදී ඉදිරිපත් කරවීමට සැලසුම් කර ඇතැයි පරිසර හා සොබාදම් අධ්යයන මධ්යස්ථානය පවසයි.
ගම් වැසියන්ගේ ඉල්ලීමක් ලෙස ඉදිරිපත් කිරීමට බලාපොරොත්තුවන මෙම යෝජනාවෙන් ඉඩම් අත්පත් කරගෙන ඒවා බෙදා දීමට සැලසුම් කර ඇත්තේ පසුගිය මැතිවරණ සමයේ ජන්දය ලබාදුන් අයට සන්තෝසමක් ලෙස හා ප්රදේශයේ ජාවාරම්කරුවන්ගේ අවශ්යතාවට අනුව බව එම සංවිධානය පවසයි.
පරිසර හා සොබාදම් අධ්යයන මධ්යස්ථානයට අනුව 2008 වර්ෂය වනවිට දහයියාගල ගම්මානයේ අලි මිනිස් ගැටුම උග්රව තිබී ඇත. එවකට වන ජීවී නිලධාරින් ගම්වැනියන් සමග දහයියාගල අලි මංකඩ නිර්මාණය කිරීම සමිබන්ධව සාකචඡාවක් පවත්වා ඇති අතර තණමල්විල ප්රාදේශිය සභාවේ මහජන නියෝජිතයන් කිහිප දෙනක් ඒ වකවානුවේත් දහයියාගල ඉඩම් නීති විරෝධී ජාවාරම් සඳහා යොදා ගැනීමට නිදහස් කරගැනීමේ උත්සාහයක සිටියහ.
නැවතත් වසර එකොලහකට පසුව දහයියාගල අලිමංකඩ ගැටලුව පැමිණ ඇති අතර ජනාධිපතිවරයා විසින් මෙහි ඉඩම් ගංජා ව්යාපාරිකයන්ගේ උවමනාව මත හා දේශපාලකයන්ට අවශ්ය ලෙස විනාශ කිරීමට එකඟවුවහොත් බොගහපටිටිය හා උඩවලව ජාතික වනෝද්යානය අතර පවතින අලි මංකඩ විනාශ වී ගොස් අලින්ගේ සංචරණයට බාධා ඇති වී වේළි ඔයේ සිට කහකුරුල්ලන් පැලැස්ස දක්වා ඇති ගමිමාන තිහකට වැඩි ප්රමාණයකට අලි මිනිස් ගැටුමෙන් වන්දි ගෙවීමට සිදුවන බව පෙන්වා දෙයි.
