ශ්රීමතී විජේරත්න –
කුරුණෑගල ප්රාදේශීය සභාව සඳහා ශ්රී ලංකා පොදු ජන එක්සත් පෙරමුණට හිමි එකම සභික ධූරය හිතවත්කම් මත නම්කර ඇතැයි ප්රකාශ කරමින් කුරුණෑගල ප්රාදේශීය සභාවට තරග වැදුණු පොදු ජන එක්සත් පෙරමුණු අපේක්ෂක කණ්ඩායම සිය විරෝධය පළ කර සිටිති.
ලබාගත් ජන්ද සංඛ්යාව හෝ ජන්ද ප්රතිශතය පදනම් කරගෙන තම සභිකයා නම් කරන ලෙස ඔවුන් ඉල්ලීම් කළද පක්ෂය හෝ ආසන සංවිධායකවරයා එසේ කර නොමැති බවට ඔවුහු චෝදනා කරති.
කුරුණෑගල ප්රාදේශීය සභාවට පොදු ජන එක්සත් පෙරමුණෙන් තේරී පත්වන එකම සභික ධූරය සඳහා නම් කර ඇත්තේ යන්තම්පලාව කොට්ඨාසය නියෝජනය කළ අපේක්ෂකයාය. අනෙක් සභිකයින් පෙන්වා දෙන්නේ ඔහු ඡන්ද ලබා ඇත්තේ පස්වන ස්ථානයට බවත් එම ඡන්ද සංඛ්යාව 148ක් පමණක් බවත්ය.
එම අපේක්ෂකයා ලැබූ ජන්ද ප්රතිශතය 6.3% කි. එය එම කොට්ඨාසයේ හතරවන ස්ථානයයි. ඡන්ද සංඛ්යාවෙන් හෝ ඡන්ද ප්රතිශතයෙන් ඉහළම නොසිටින අපේක්ෂකයෙක් සභික ධුරය සඳහා නම් කිරීම පිළිබඳව අප්රසාදය පළ කරන පොදු ජන එක්සත් පෙරමුණේ සභික කණඩායම අදාල අපේක්ෂකයාට, කුරුණෑගල ආසන සංවිධායකවරයාට මෙන්ම පක්ෂ නායකත්වයට ද චෝදනා කරති.
“මාස්පොත කොට්ඨාසයේ අපේක්ෂකයා ලැබූ ඡන්ද සංඛ්යාව තුන්සිය හතක්.(307)… එය ප්රතිශතයක් ලෙස 8.5% ක්… මරළුවාව කොට්ඨාසයේ අපේක්ෂකයා ලැබූ ඡන්ද සංඛ්යාව තුන්සිය එකක් (301)… එය ප්රතිශතයක් ලෙස 7.3%ක්… වඳුරාගල කොට්ඨාසයේ අපේක්ෂකයා ඡන්ද දෙසිය හැත්තෑ හතරක් (274)… ලැබූ අතර එය ප්රතිශතයක් ලෙස 13. 3%ක්. ඒත් යන්තම්පලාව කොට්ඨාසයේ නියෝජනය කරලා ඡන්ද 148ක් සහිතව 6.3% ක ප්රතිශතයක් හිමිකරගත් අපේක්ෂකයා ප්රාදේශීය සභා සභිකයා ලෙස පත් කරන්න තියන තර්කය මොකක්ද?” සභික ධූර අපේක්ෂකයෙක් ලංකාසරට පැවසුවේ.ය
පක්ෂ නායක හිටපු අමාත්ය අනුර ප්රියදර්ශන යාපාගෙන් මේ පිළිබඳ විමසූ විට ඔහු කීවේ මෙවැන්නකි.
“ඔය වගේ ප්රශ්න තවත් තැන්වල තිබුණා. ඒවා අපි මැදිහත් වෙලා විසඳුවා. සාධාරණ පදනමක් මත තමයි සභිකයන් නම් කළ යුත්තේ. කුරුණෑගල ගැටලුවක් තියෙන බව මටත් දැනගන්න ලැබුණා. බලමු අපි ඒ ගැටලුවත් විසඳනවා.”
යනුවෙන් පැවසුවේය
