කොළඹ වරායෙන් රතු සංකේතයෙන් නම්කළ බහාලුම් 323ක් රේගු පරීක්ෂාවකින් තොරව මුදා හැරීම සම්බන්ධයෙන් විමර්ශනය කිරීම සඳහා මුදල් අමාත්යාංශය විසින් පත් කරන ලද කමිටුව පත් කර මාස හතරකට ආසන්න කාලයක් ගතවී ඇතත්, එහි විමර්ශනය තවමත් අවසන් කර නොමැති බව වාර්තා වේ.
විමර්ශනය තවමත් අඛණ්ඩව සිදුවන නමුත් කමිටුව එහි වාර්තාව අවසන් කර ඉක්මනින් ඉදිරිපත් කරනු ඇතැයි තමා විශ්වාස කරන බව මේ සම්බන්ධව වාර්තාවක් ඉදිරිපත් කරන සන්ඩේ ටයිම්ස් වෙත වරාය නියෝජ්ය අමාත්ය ජනිත රුවන් කොඩිතුවක්කු ප්රකාශ කර තිබේ.
මේ අතර, ජ්යෙෂ්ඨ රේගු මූලාශ්රයක් ප්රකාශ කර ඇත්තේ කමිටුව සාක්ෂි විභාග කිරීම අවසන් කර එහි වාර්තාව අවසන් කරමින් සිටින බවයි. විමර්ශනය අවසන් කර වාර්තාවක් ඉදිරිපත් කරන්නේ කවදාද යන්න තවමත් පැහැදිලි නැති බව එම මූලාශ්ර පවසයි.
භාණ්ඩාගාර නියෝජ්ය ලේකම් ඒ.කේ. සෙනෙවිරත්නගේ ප්රධානත්වයෙන් යුතුව මුදල් අමාත්යාංශය විසින් පත් කළ කමිටුවට ප්රවාහන, මහාමාර්ග, වරාය සහ සිවිල් ගුවන් සේවා අමාත්යාංශයේ අතිරේක ලේකම් ඊ.එම්.එස්.බී. ජයසුන්දර; වෙළඳ හා ආයෝජන ප්රතිපත්ති දෙපාර්තමේන්තුවේ අධ්යක්ෂ ජනරාල් එම්.කේ.පී. කුමාර, කළමනාකරණ විගණන දෙපාර්තමේන්තුවේ අධ්යක්ෂ ජනරාල් ඒ.පී. කුරුම්බලපිටිය, සහ රේගු ජ්යෙෂ්ඨ අධ්යක්ෂ සපුමල් ජයසුන්දර යන අය ඇතුළත් වේ.
මේ සතියේ රජයේ ප්රවෘත්ති දෙපාර්තමේන්තුවේ පැවති මාධ්ය හමුවකදී රේගු අධ්යක්ෂ ජෙනරාල් සරත් නෝනිස්ගෙන් කන්ටේනර් සම්බන්ධ මතභේදය පිළිබඳව විමසූ අවස්ථාවේ දී ඔහු ප්රකාශ කළේ කමිටුවේ විමර්ශනය තවමත් සිදුවෙමින් පවතින බැවින් මේ පිළිබඳව විස්තරාත්මකව අදහස් දැක්වීමක් කළ නොහැකි බවය.
“රේගුව කමිටුවට මේ පිළිබඳව සවිස්තර වාර්තාවක් ඉදිරිපත් කර තිබෙනවා. කමිටු වාර්තාව ඉක්මනින් නිකුත් වනු ඇතැයි මා විශ්වාස කරනවා. වාර්තාවේ මේ පිළිබඳව සියලු තොරතුරු අඩංගු වනු ඇති.” ඔහු කීවේය.
බහාලුම් මුදා හැරීම පිටුපස වරාය අමාත්ය බිමල් රත්නායක සිටින බවට විපක්ෂයේ කොටස් මෑත දිනවල චෝදනා කර තිබේ. “විපක්ෂය එවැනි චෝදනා කරන්නේ ඔවුන්ට කතා කිරීමට වෙනත් දෙයක් නොමැති නිසා,” යැයි නියෝජ්ය අමාත්ය රුවන් කොඩිතුවක්කු චෝදනා ප්රතික්ෂේප කරමින් පවසයි.
බහාලුම් 323 හි අන්තර්ගතය සහ ඒවා ආනයනය කළේ කවුරුන්ද යන්න පිළිබඳ තොරතුරු රේගුව විසින් රඳවා තබා ඇති බවට විපක්ෂයේ සමහරු චෝදනා කර ඇත.
“අපට එවැනි ආනයනකරුවන්ගේ අයිතම සහ නම් පිළිබඳ විස්තර ප්රසිද්ධියේ හෙළි කළ නොහැකියි. අපරාධයක් සිදු වී ඇති බවට සැක කෙරේ නම්, අපි ආනයනකරුවන්ගේ විස්තර සහ බහාලුම්වල අන්තර්ගතය CID වැනි නීතිය ක්රියාත්මක කරන ආයතනවලට සපයනවා” රේගුවේ ජ්යෙෂ්ඨ මූලාශ්රයක් උපුටා දක්වමින් සන්ඩේ ටයිම්ස් වාර්තා කරයි.
“ග්රීන් චැනල් ” හරහා බහාලුම් 323 මුදා හැරීමට අමතරව, ජනවාරි මාසයේදී බහාලුම් දහස් ගණනක් නිදහස් නොකර වරායේ සිරවී අර්බුදයකට තුඩු දුන් කොළඹ වරායේ බහාලුම් නිෂ්කාශනය කිරීමේ ප්රමාදයන් පිළිබඳව ද කමිටුව විමර්ශනය කරමින් ඇතැයි වාර්තා වේ. මෙම ප්රමාදයන් හිතාමතා කළ කඩාකප්පල්කාරී ක්රියාවක කොටසක් දැයි සොයා බැලීම එම ක්රියාවලියේ අරමුණ
