අත්යවශ්ය ආහාර වර්ග සහ ඖෂධ ගෙන්වීම සඳහා ඩොලර් හිඟ වීම නිසා ශ්රි ලංකාවට ඒ සඳහා ඉන්දියාව විසින් ලබා දෙන ලද ඇමෙරිකානු ඩොලර් බිලියන එකක ණය යෝජනා ක්රමය අවභාවිත කර එයින් සියයට 75ක පමණ මුදලක් යකඩ ගෙන්වීම සඳහා භාවිත කිරීමේ ව්යාපාරික උත්සාහයක් පිළිබඳව රජයේ ආරංචි මාර්ග අනාවරණය කරයි.
අත්යවශ්ය ආහාර ද්රව්ය මිල සහ ඖෂධ මිල ඉතා ඉහළ ගොස් ඇතිවා මෙන්ම රට තුළ බරපතල ඖෂධ හිඟයක් ඇති වී මිනිසුන් මැරී වැටෙන මට්ටමක් නිර්මාණය වී තිබිය දී ආහාර හා ඖෂධ සඳහා ලැබුණු ඩොලර් ණය ආධාරය මෙසේ අවභාවිතා කර ඉදිකිරීම් කර්මාන්තය සඳහා අවශ්යවන යකඩ සහ වානේ ගෙන්වීම කෙරෙහි රජයට සම්බන්ධ වයාපාරිකයන් කිහිප දෙනකු උත්සාහ කර ඇත.
මේ වනවිට මෙම ණය මුදලින් වැය කර ඇත්තේ ඩොලර් මිලියන 250කට ආසනන ප්රමාණයකි. මෙම ව්යාපාරික පිරිස උත්සාහ කර ඇත්තේ එම ණය යෝජනා ක්රමයෙහි ඉතිරි ඩොලර් මිලියන 750 යකඩ සහ වානේ ගෙන්වීමට බව මෙම ආරංචි මාර්ග සඳහන් කර ඇත.
මෙම ණය කළමනාකරණය කරන ස්ටේට් බෑන්ක් ඔෆ් ඉන්දියා බැංකුව සමඟද මේ කටයුත්තට උත්සාහ කරන කණ්ඩායමක් සාකච්ඡාවක්ද පවත්වා ඇතැයි මෙම ආරංචි මාර්ග සඳහන් කරයි.
ඔවුන් එහිදී පෙන්වා දී ඇත්තේ ආහාර ද්රව්ය සහ ඖෂධ සැපයුම්කරුවන් සහ ආනයනකරුවන් විශාල ප්රමාණයක් මේ වනවිටත් උණඩියල් සහ හවාලා වැනි ක්රමවලින් තම හිතවත් පුද්ගලයන් හරහා ඒවා ගෙන්වා ගන්නා අතර ඉදිකිරීම් ක්ෂේත්රයට යකඩ එවැනි ක්රමවලින් ගෙන්වීම්දී විශාල වියදමක් වැය වන බැවින් මෙම අවස්ථාව ඔවුන්ට ලබා දෙන ලෙස බව සඳහන් වේ.
ඔවුන් මෙම උත්සාහය දරා ඇත්තේ බැසිල් රාජපක්ෂ මුදල් අමාත්ය ධුරයේ සිටින කාලයේ සිට බවත් ඔවුන් ඇමතිවරයාටද මෙම යෝජනාව ගෙනවිත් ඇති බව මෙම ආරංචි මාර්ග අනාවරණය කළේය
