පොලිසිය විසින් සිදුකළ රඹුක්කන ඝාතන සිද්ධියේ දී වෙඩි වැදීමට ලක් වූ 15 හැවිරිදි පාසල් දරුවා සම්බන්ධයෙන් අපරාධ පරීක්ෂණ දෙපාර්තමේන්තුවේ විමර්ශනවල ප්රගතිය පිළිබද ජාතික ළමා ආරක්ෂක අධිකාරිය වාර්තාවක් කැඳවා තිබේ.
ජාතික ළමා ආරක්ෂක අධිකාරියේ සභාපති ආචාර්ය උදය කුමාර අමරසිංහ සදහන් කළේ, තම අධිකාරියේ විමර්ශන අංශය ද සිද්ධිය පිළිබඳ දැනටමත් අදාළ දරුවාගෙන් ප්රකාශයක් සටහන් කරගෙන ඇති බවය.
මෙම සිසුවාගෛ් අතට සහ පිටට වෙඩි වැදී ඇති අතර ඔහුගේ අතේ අස්ථි බිඳීමක් ඇති වී තිබුණු බව වාර්තා විය.
මෙම සිසුවා පොලිස් වෙඩි පහරට ලක් වී ඇත්තේ පාසල නිමවී නිවසට පැමිණ සිදුවෙමින් ඇත්තේ කුමක්දැයි බැලීමට ගොස් සිටියදී බව හෙළි වී තිබේ. ඔහු කිසිදු විරෝධතාවයකට සම්බන්ධ වී නොමැති බවත් දැනගන්නට ඇත.
සිසුවා තරමක් උස් සිටගෙන සිටිය දී මෙම වෙඩි පහර වැදී ඇති බවත්, කොතන්නින් එය වැදුනේදැයි දරුවාත් නොදන්නා බවත් පොලිසිය ලුහුබැඳ ගොස් වෙඩි තබා තිබුණු බවත් සිසුවාගේ මව මාධ්යයට ප්රකාශ කර තිබිණි.
රඹුක්කන ඝාතන නඩුව අද පස්වරුවේ යළි කෑගල්ල මහේස්ත්රාත් අධිකරණය හමුවේ කැඳවීමට නියමිතයි. මෙම සිද්ධියේ දී වෙඩි තැබීමට නියෝග කළ කෑගල්ල ප්රදේශය භාර හිටපු ජ්යෙෂ්ඨ පොලිස් අධිකාරී කේ.බී කීර්තිරත්න නාරාහේන්පිට පොලිස් රෝහලේ ප්රතිකාර ලබමින් සිටිය දී පසුගිය දා අත්අඩංගුවට ගත් අතර ඔහු මේ මස 6 වනදා දක්වාත් මහනුවර – කුණ්ඩසාලේ පිහිටි පොලිස් රෝහලේ ප්රතිකාර ලබමින් සිටිය දී අත්අඩංගුවට ගත් අනෙක් පොලිස් කොස්තාපල්වරුන් 03 දෙනා මේ මස 13 වනදා දක්වාත් රක්ෂිත බන්ධනාගාරගත කෙරිනි.
.
