කීර්ති ප්රනාන්දු –
එළැඹෙන උත්සව සමයේදී කුකුල් මස් මිල විශාල පහත වැටීමක් සිදුවන බව ශ්රී ලංකා සත්ව නිෂ්පාදකයින්ගේ සංගමයේ සභාපති අජිත් ගුණසේකර පවසයි .
මේ වන විටද කුකුළු මස් මිල සැලකිය යුතු මට්ටමින් පහළ වැටි ඇති බවත් එම තත්ත්වය තවත් වැඩිවෙමින් එළඹෙන සිංහල අවුරුදු සමයේදී කුකුළු මස් මිලහි විශාල මිල අඩු වීමක් අනිවාර්යයෙන්ම සිදුවන බව ඔහු කියා සිටි .
ඒ අනුව උත්සව සමයේදී සම රහිත ශීත නොකළ කුකුල් මස් කිලෝවක්, රුපියල් 1150ත් 1250 අතර , සම සහිත ශීත නොකල මස් කිලෝවක් රුපියල් 1000ත්1050 අතර මිලකට හා සම සහිත ශීත කළ කුකුල් මස් කිලෝවක් රුපියල් 950 ත් 1050 ත්අතර මිලකට පාරිභෝගික ජනතාවට මිලදී ගත හැකි බවද සභාපතිවරයා කියයි.
මේ වන විට දිනකට මෙට්රික් ටොන් 550ක් 600ත් අතර කුකුළු මස් නිෂ්පාදනයක් අතිරික්තයක්ද සහිතව සිදු වන බවත් ඉදිරි උත්සව සමයේදී කිසිදු අයුරකින් කුකුල් මස් හිඟයක් හෝ මිල ඉහළ යාමක් සිදු නොවන බව ස්ථිර බවත් සභාපතිවරයා පැවසීය .
එසේම සෑම කුකුළු ගොවි පොලක්ම සතුන්ගෙන් පිරී ඉතිරී ඇති බවත් වෙළඳ පොළට කිසිදු ප්රමාදයකින් තොරව කුකුළු මස් සැපයීම කරන ලෙසත් මස් තොග තබාගෙන සිටීමෙන් අමාරුවේ නොවැටෙන ලෙසත් තම සංගමය සියලුම මස් නිෂ්පාදකයින්ට දැනුම් දී ඇති බවද හෙතෙම අවධාරණය කළේය .
මේ අතර ඌරු මස් නිෂ්පාදනයද තුළද විශාල වැඩිවීමක් සිදුවී ඇති බව පවසන අජිත් ගුණසේකර ඉදිරි උත්සව සමය තුළ ඌරු මස් මිලද පහත වැටී ඌරු මස් කිලෝවක් රුපියල් 1500ක වැනි මිලකට පාරිභෝගික ජනතාවට මිලදී ගත හැකි බවද වැඩිදුරටත් පැවසීය .
