විද්යුත් ගමන් බලපත්ර මිලියන 05ක් මිලදී ගැනීම සඳහා පසුගිය රජය ගෙන තිබූ තීරණය ක්රියාත්මක කිරීම වළක්වමින් පැනවූ අතුරු තහනම් නියෝගය නොවැම්බර් 06 දක්වා යළි දීර්ඝ කිරීමට කිරීමට අභියාචනාධිකරණය අද (01)නියොග කළේය.
ඒ ඊට අදාලව ගොනු කර ඇති රිට්ස් පෙත්සම අභියාචනාධිකරණ විනිසුරු මොහොමඩ් ලෆාර් සහ පී කුමාර්රතන්ම් හමුවේ අද සලකා බැලූ අවස්ථාවේ දී ය.
නිසි ප්රසම්පාදන ක්රියාවලිය අනුගමනය නොකරමින් නීතියට පටහැනි ආකාරයෙන් පසුගිය රජයේ අමාත්ය මණ්ඩලය විසින් විද්යුත් විදේශ ගමන් බලපත්ර තොගයක් මිලදී ගැනීමට තීරණය කර ඇතැයි පෙන්වා දෙමින් එපික් ලංකා ලංකා පුද්ගලික සමාගම එම රිට් පෙත්සම ගොනු කර තිබිණි.
එමෙන්ම විද්යුත් විදේශ ගමන් බලපත්ර මිලියන පහක් සැපයීම සඳහාවන මූලික ප්රසම්පාදනයේ කොටසක් ලෙස විදේශ සමාගම් දෙකකින් විදේශ ගමන් බලපත්ර හත් ලක්ෂ පනස් දහසක් මිලදී ගැනීමට අනුමැතිය ලබා දුන් කැබිනට් තීරණ ක්රියාත්මක කිරීම අත්හිටුවමින් අභියාචනාධිකරණය පසුගිය සැප්තැම්බර් 26 වැනිදා අතුරු තහනම් නියෝගයක් නිකුත් කළේය.
නමුත් එය නැවත දීර්ඝ නොකිරීමට අභියාචනාධිකරණය අද (01) තීන්දු කළේය. ඒ වගඋත්තරකාර වැඩබලන ආගමන විගමන පාලක ජනරාල්වරිය ලෙස කටයුතු කරන නිලූෂා බාලසූරිය වෙනුවෙන් පෙනී සිටි අතිරේක සොලිසිටර් ජෙනරාල් සුමති ධර්මවර්ධන කළ කරුණු දැක්වීම සලකා බලමිනි.
අතිරේක සොලිසිටර් ජෙනරාල්වරයා කියා සිටියේ විදෙස් සමාගම් දෙකකින් විදේශ ගමන් බලපත්ර හත් ලක්ෂ පනස් දහසක් ලබා ගැනීමට පසුගිය කැබිනට් මණ්ඩලය ලබා දී ඇති අනුමැතිය සම්බන්ධව අධ්යයනයට අද දිනය තුළ පංච පුද්ගල විද්වත් කමිටුවක් පත් කරන බවය. එම කමිටුවේ නිර්දේශ නව කැබිනට් මණ්ඩලයට ඉදිරිපත් කිරීමට සිය සේවාදායිකාව කටයුතු කරන බව අතිරේක සොලිසිටර් ජනරාල්වරයා අධිකරණයට දැනුම් දුන්නේය.
පෙත්සම නොවැම්බර 06 වැනිදා යළි කැඳවීමට නියමිතව ඇත. – ( නිවුස් ෆස්ට්)
