මැතිවරණ ඉතිහාසයේ සාමකාමීම මැතිවරණය මෙවර පවත්වන්නේ රටේ පොලිස්පතිවරයාගේ වැඩ තහනම් කර තිබියදී වීම විශේෂ සිද්ධියක් වී තිබේ.
එසේ සිදුවන්නේ දැනට පොලිස්පති ධූරයේ රාජකාරි කිරීම තහනම් කර සිටින දේශබන්දු තෙන්නකෝන් යළි එම ධූරයට පත් නොකළහොත් මැතිවරණයට බරපතල ගැටලුවක් ඇති විය හැකි බවටත් මැතිවරණයේ දී ගැටුම් සහ කෝලාහල ඇති විය හැකි බවටත් මතවාදයක් ඇතැම් දේශපාලන කණ්ඩායම් රට තුළ ඇති කරද්දීය.
ඔහුගේ වැඩ තහනම් කිරීමට එරෙහිව ගොනුකළ අතරමැදි පෙත්සම්වලදී පෙත්සම්කාර පාර්ශවයන් විසින් අධිකරණය ඉදිරියේ ගොනු කළ ප්රධානම තර්කය වූයේ ද මේ ලේ විලක් වන මැතිවරණය ගැන කතාවය.
දේශබන්දුගේ රාජකාරි තහනම ඉවත් කරන ලෙස ඉල්ලා එක්සත් ජාතික පක්ෂයට ලැදි ප්රකට හිමිවරුන් තුන් නමක් ගොනුකරන ලද අතරමැදි පෙත්සම් විභාගයට නොගෙන විසි කර දැමීමට අධිකරණය තීරණය කිරීමට පෙර පොලිස් කොමිසමෙන් සහ මැතිවරණ කොමිසමෙන් දේශබන්දු නොමැතිව මැතිවරණය කළ නොහැකි බවට වූ ප්රකාශයක් ලිඛිතව ලබා ගැනීමට පෙත්සම්කාර පාර්ශවය උත්සාහ කර ඇති බව ද පසුව අනාවරණය වූයේය.
කෙසේ වුවත් පොලිස් කොමිසමේ ආරංචි මාර්ග ලංකාසරට අනාවරණය කරන්නේ දේශපාලන අවශ්යතාවයක් මත කවුරු පොලිස්පති ධූරයේ රැඳී සිටියත් මෙවැනි සාමකාමී මැතිවරණයක් කිරීමට අපහසු වනු ඇති බවය.
