තිස් අවුරුදු යුද්ධයෙන් මෙන්ම පවතින සමාජ ආර්ථික තත්ත්වයෙන් නැගෙනහිර පළාතේ ජාතීන් තුනම එක ලෙස පීඩාවට පත් වූ බවත්, මේ බව වටහාගතගෙන නැගෙන හිර පළාත සංවර්ධනය කිරීමේ දැක්මක් සහ වැඩපිළිවෙළක් සහිතව ජාතීන් තුන සමගම විශ්වාසයෙන් බලාපොරොත්තු සහගතව සහ සාධාරණව කටයුතු කළ හැකි පුද්ගලයෙක් නැගෙනහිර පළාතට පත් කරන ලෙසත් ඉල්ලා නැගෙනහිර ජනතා අත්සන් සිය ගණනකින් යුත් මහජන පෙත්සමක් ජනාධිපතිවරයා වෙත යොමු කර තීබේ.
මෙම ජනතා පෙත්සමේ අවධාරණය කරන්නේ වත්මන් නැගෙනහිර පළාත් ආණ්ඩුකාරවරයාට පළාත සංවර්ධනය කිරිම සඳහා කිසිම වැඩපිළිවෙළක් උනන්දුවක් හෝ ක්රියාකාරකම් ප්රවර්ධනය සදහා දැක්මක් නොමැති බවය.
එමෙන්ම සියලු දේමට මුදල ප්රමුඛ වී ඇති බැවින් ජනතාවට තමන්ගේ සේවා ලබා ගැනීමට ආණ්ඩුකාරවරයාගේ පාර්ශවයට මුදල් ගෙවීමට සිදුවී ඇතැයි ද පෙත්සම් කරුවෝ කියති.
ආණ්ඩුකාරවරයාගේ බරපතලම නොකටයුත්ත වන්නේ ඔහු විසින් සිය ජාවාරම් මෙහෙයවද්දී රාජ්ය නිලධාරීන්ට කරන බලපෑම බව පෙත්සම් කරුවෝ පෙන්වා දෙති. මේ වනවිට ආණ්ඩුකාරවරයා මැදිහත්ව වාකරේ, මාන්කර්නි, සහ තිරුක්කෝවිල් ප්රදේශවල බලහත්කාර ඉඩම් අත්පත් කරගැනීම් සිදුකරන අතර අම්පාර සහ මඩකලපු දිස්ත්රික්කයන්හි මුහුදුබඩ ප්රදේශවල වැලි කැණීම් කරනු ලබන්නේ දිසාපති, ප්රාදේශීය ලේකම් සහ දෙපාර්තමේන්තු ප්රධානීන්ට තර්ජනය කරමින් බව මෙම ජනතා පෙත්සමින් ඔවුහු ජනාධිපතිවරයාට ලියා දන්වති.
වෙරළබඩ කලාපයේ වැලි ගොඩදැමීම නිසා සිදුවන විශාල ව්යසය නිසා අගතියට පත්වන ජනතාවගේ ධීවර හා වගා කටයුතු ගැන සංවේදී නැති, ජනතාව හමුනොවන, ජනතාවගේ ප්රශ්නවලට ඇහුම්කන් නොදෙන දූෂිත ආණ්ඩුකාරවරයා සම්බන්ධව අවස්ථා ගණනාවක දි ලියා දැන්වූ නමුදු කිසිම ප්රතිඵලයක් නොමැති බව ජනාධිපතිවරයා දන්වන පෙත්සම් කරුවන් ඉල්ලා සිටින්නේ තොණ්ඩමන් ආණ්ඩුකාරවරයා වෙනුවට වෙනත් ආණ්ඩුකාරවරයෙක් පත් කර දෙන ලෙසය.
පෙත්සම පහළින්..
