අමාත්ය ආනන්ද විජේපාල පාර්ලිමේන්තු මන්ත්රීවරයෙකු ලෙස කටයුතු කිරීමට නුසුදුස්සෙකු බවත් එබැවින් ඔහුට මන්ත්රී ධූරයක් දැරීමට අයිතියක් නොමැති බවත් ප්රකාශ කරන ලෙස ඉල්ලා පොදු ජන පෙරමුණ විසින් අභියාචනාධිකරණය හමුවේ රිට් පෙත්සමක් ගොනු කර තිබේ.
ශ්රී ලංකා පොදුජන පෙරමුණේ පරිපාලන ලේකම් රේණුක දුෂ්යන්ත පෙරේරා, අමාත්ය විජේපාලට තවදුරටත් පාර්ලිමේන්තු මන්ත්රී ධූරයක් දැරීමට ඇති සුදුසුකම් අභියෝගයට ලක් කරමින් මෙම පෙත්සම ගොනු කරනු ලැබ ඇත.
පාර්ලිමේන්තු මන්ත්රීවරයෙකු ලෙස කටයුතු කරමින් සිටියදී විජේපාල අමාත්යවරයා ජනාධිපති කාර්ය මණ්ඩල ප්රධානියා ලෙස පත් කර ඔහුව ඵලදායී ලෙස රාජ්ය නිලධාරියෙකු බවට පත් කළ බවට පෙත්සම්කරු චෝදනා කරයි.
රාජ්ය නිලතල දැරීම, රජය සමඟ රැකියා කොන්ත්රාත්තුවක් ඇතිකර ගැනීම මගින් මන්ත්රීවරුන්ගේ සුදුසුකම් පාලනය කරන ව්යවස්ථාපිත ප්රතිපාදන උල්ලංඝනය කිරීම සිදුවී ඇති බැවින් මෙම පත්කිරීමෙන් විජේපාල අමාත්යවරයා පාර්ලිමේන්තුවේ අසුන්ගෙන සිටීමට නුසුදුස්සකු වන බවට මේ පෙත්සම හරහා තර්ක කෙර තිබේ.
