ඇපල් අයිෆෝන් එකලස් කරන ‘ෆොක්ස්කොන් ආයතනය බීට්ස් හෙඩ්ෆෝන්ස් නිෂ්පාදනය ඉන්දියාවට ගෙන යාමට තීරණය කර තිබෙන අතර එයාර්පොඩ්ස් ද එරට නිෂ්පාදනය කිරීමට ‘ඇපල් ඉන්ක්’ ආයතනය බලාපොරොත්තු වෙන බව ‘නික්කෙයි’ වෙබ් අඩවිය වාර්තා කරයි.
නවතම ඇපල් නිෂ්පාදනය වන අයිෆෝන් 14 දුරකථනය ද එය ගෝලීය වශයෙන් නිකුත් වී දෙසතියක් ඇතුළත් ඉන්දියාවේදී නිෂ්පාදනය කළ අතර එයාර්පොඩ්ස් නිෂ්පාදනය සඳහා චීන සැපයුම්කරුවෙකු වන ලක්ෂරේ සහ එහි ඒකක ද ඉන්දියාවට උදව් කිරීමට සැලසුම් කර ඇත.
මේ වන විට ඉන්දියාව තුළ අයිපෑඩ් ටැබ්ලට් එකලස් කිරීමට ද සැලසුම් සකස් කරමින් සිටියි. අප්රේල් සිට මාස පහක් ඇතුළත ඉන්දියාවේ අයිෆෝන් අපනයනය ඩොලර් බිලියන 1 ඉක්මවා ඇති අතර 2023 මාර්තු දක්වා මාස 12ක කාලයේදී අපනයනය ආදායම ඩොලර් බිලියන 2.5ක් දක්වා වැඩි වෙනු ඇතැයි සඳහන් වේ.
තාක්ෂණයේ දැවැන්තයෙකු වන චීනය අයිෆෝන් නිෂ්පාදනයේදී පෙරමුණ ගෙන සිටියත් කොවිඩ් වසංගතයත් සමඟින් වරින් වර සිදු වෙන නගර අගුළු ලෑම් හේතුවෙන් වොෂින්ටනයත් බීජිං නුවරත් අතර ගැටළු මතුවිණි. එහි ප්රතිඵලයක් ලෙස අයිෆෝන් නිෂ්පාදන කොන්ත්රාත් ඉන්දියාව, මෙක්සිකෝව හා වියට්නාමය වැනි රටවල්වල නිෂ්පාදකයින්ට ලැබිණි.
