අභියාචනාධිකරණයේ සභාපති නිශ්ශංක බන්දුල කරුණාරත්නට එරෙහිව ජාතික ජනබලවේග රජයේ පාර්ශ්වයෙන් දෝෂාභියෝගයක් ඉදිරිපත් කිරීමට සැලසුමක් පවතින බවට අනාවරණය වීමෙන් පසුව ඔහු සිය ධුරයෙන් ඉල්ලා අස්වීමට නියමිත බව සන්ඩේ ටයිම්ස් පුවත් පත සිය ප්රධාන පුවත මඟින් අනාවරණය කරයි.
එ අනුව විනිසුරු කරුණාරත්න මේ මස අගදී සිය ඉල්ලා අස්වීම භාරදීමට නියමිත බව දැනගන්නට ඇති බව එම පුවත් පත පවසයි.
වයස අවුරුදු 63 සම්පූර්ණ වූ පසු ඔහු මේ වසරේ ජුනි 16 වැනිදා විශ්රාම යාමට නියමිතව සිටියද දෝෂාභියෝගය හේතුවෙන් සිය ඉල්ලා අස්වීම ලබා දීමට නියමිත ව එම පුවත් පත පවසයි.
මේ පිළිබඳව සන්ඩේ ටයිම්ස් පුවත් පත වෙත කරුනු දක්වා ඇති එක් නියෝජ්ය අමාත්යවරයකු ද ප්රකාශ කර ඇත්තේ අභියාචනාධිකරණ සභාපති විනිසුරුවරයාගේ මෑත කාලීන කාර්ය සාධනය සාක්ෂි ලෙස සඳහන් කර එම දෝෂාභියෝගය ගෙන ඒමට බලාපොරොත්තු වන බවය.
පසුගිය සඳුදා නීතිපති පාරින්ද රණසිංහ සහ ජනාධිපති අනුර කුමාර දිසානායක අතර පැවති සාකච්ඡාවකට පසුව බරපතල අපරාධ නඩු පැවරීම්’ 11ක් කඩිනමින් ක්රියාත්මක කිරීමට නීතිපති දෙපාර්තමේන්තුව ගත් තීරණ සම්බන්ධයෙන් පැන නැගුණු කරුණු ද මෙම තත්වය කෙරෙහි බලපා ඇති වාර්තා වේ.
විනිසුරු නිශ්ශංක බන්දුල කරුණාරත්න මහේස්ත්රාත්වරයෙකු ලෙස සිය අධිකරණ ජීවිතය ආරම්භ කළ අතර පසුව අභියාචනාධිකරණ සභාපති ධුරයට පත්විය.
හිටපු ජනාධිපති රනිල් වික්රමසිංහ ඔහු ශ්රේෂ්ඨාධිකරණයට පත් කරන ලෙස නිර්දේශ කළ නමුත් ව්යවස්ථා සභාව විසින් එම නාමයෝජනාව ප්රතික්ෂේප කරන ලදී
