අද (25) දින සිට උසස්පෙළ විභාගය අවසන් වන දිනය වූ පෙබරවාරි 17 දා දක්වා අඛන්ඩ විදුලි බල සැපයුමක් ලබා දීමට විදුලිබල මණ්ඩලය සහ මහජන උපයෝගීතා කොමිෂන් සභාව මානව හිමිකම් කොමිසම ඉදිරියේ එකඟ වී ඇතත් අද දිනයේත් පැය 2යි මිනත්තු 20ක විදුලි කප්පාදුවක් දිවයින තුළ ක්රියාත්මක විය.
විදුලි බල හා බලශක්ති අමාත්යාංශයත් මහජන උපයෝගීතා කොමිසමත් මානව හිමිකම් කොමිසම හමුවට කැඳවා සිදුකළ දීර්ඝ සාකච්ඡාවකින් අනතුරුව ඒ සඳහා නිශ්චිත විධි ක්රමයක් සම්මත කරගෙන මානව හිමිකම් කොමිසමේ නිර්දේශයක් ලෙස විදුලි කප්පාදුව නැවැත්විය යුතු බවට මහජන උපයෝගීතා කොමිසමට ඉදිරිපත් කර තිබිණි.
මහජන උපයෝගීතා කොමිසම මානව හිමිකම් කොමිසම ඉදිරියේ ඒ සඳහා එකඟත්වය පල කර තිබිණි.
ක්රියාත්මක කිරීමට යෝජිත ක්රම වේදය පෙළ ගැසුනේ මෙසේය.
අඛන්ඩ විදුලිය සැපයීම සඳහා අවශ්යවන ඉන්ධන ලබා දීමට ශ්රී ලංකා මානව හිමිකම් කොමිෂන් සභාව හා මහජන උපයෝගීතා කොමිසම ඛණිජ තෙල් සංස්ථාවට යෝජනාවක් ඉදිරිපත් කරනු ලැබුවේය. ඉන්ධන සඳහා වැය වන මුදල යෝජිත විදුලි මිල සංශෝධනයේ ප්රමුඛ කාර්යයක් සේ සලකා දින 60ක් තුළ ප්රතිපූරණය කිරීමට එකඟතාවයකට පැමිණියේය.
එම සමථය ක්රියාත්මක කිරීම සඳහා විදුලි බල හා බලශක්ති අමාත්යාංශය අවශ්ය සම්බන්ධීකරණය සහ පහසුකම් සැපයීමට මැදිහත් වීමට නිර්දේශ විය.
ඒ අනුව විභාය පැවැත්වෙන කාලය තුළ අද (25) දින සිට විදුලිය විසන්ධි නොකිරීමට එකඟ වී ඇත.
එම සමථය මානව හිමිකම් කොමිෂන් සභාවේ නිර්දේශයක් ලෙස ඇතුළත් කර තිබිනි. එම නිර්දේශය ක්රියාත්මක කිරීමට මහජන උපයෝගීතා කොමිසම එකඟ වී ඇත.
එම ලිපිය පහත දැක්වේ.
