හැටන් රංජිත් රාජපක්ෂ –
තලවකැලේ සිට කොළඹ දක්වා ධාවනය වෙමින් තිබූ කඩවත ලංගම ඩිපෝවට අයත් බස් රථය බෑවුමක් සහිත ප්රදේශයක දී හදිසියේ තිරිංග ක්රියා විරහිත විමෙන් රියදුරුගේ පාලනයෙන් මිදි යද්දී කරද්දී රථය පස් කන්දක ගැටිමට සලස්වා සිදුවන්නට ගිය බරපතල ව්යසනයක් වළක්වා ගත් රියදුරුවරයෙක් ගැන ගිනිගත්හේන පොලිසියේ රථවාහන අංශයේ නිළධාරින් හෙළිදරවු කළේය.
අද (26) දින අලුයම 5:30ට පමණ මෙම අනතුර සිදු වී ඇත්තේ හැටන් කොළඹ ප්රධාන මාර්ගයේ ගිනිගත්හේන කඩවල මහ වංගුව ප්ර දේශයේ දීය.
ධාවනය වෙමින් තිබූ බස් රථය වංගුව ගැනීමට උත්සහ කිරිමත් සමග බස් රථය පාලනය කර ගැනීමට දෙවන ගියරයට ගියරය මාරු කළ බවත්, එම අවස්ථාවේ බස් රථයේ තිරිංග පද්ධතිය ක්රියා විරහිත විම නිසා අත්තිරිංගය භාවිතා කරමින් බස් රථය බෑවුම් සහිත ප්රදේශයේ පස් කන්දක ගැටීමට සලස්වා බස් රථය නතර කර ගත් බවත් එම බස් රථයේ රියදුරු වන මහේෂ් සුදර්ශන් (49) කියා සිටියේ.
බස් රථය අනතුරට පත් වන අවස්ථාවේ බස් රථය තුළ මගීන් 80 දෙනෙකු පමණ ගමන් කර ඇති අතර, එම මගීන්ව වෙනත් බස් රථයකින් පිටත් කර යැවීමට බස් රථයේ රියදුරු සහ කොන්දොස්තරවරයා පියවර ගෙන ඇත.
බස් රථය අනතුරට පත් ස්ථානයේ ඉදිරියෙන් නුවරඑලියේ සංචාරයක් සඳහා පැමිණි වැන් රථ දෙකක් නතර කර තිබූ බවත්, බස් රථය නතර කර ගැනීමට නොහැකි වුයේ නම් එම බස් රථයේ තම වෑන් රථද ගැටීමට ඉඩ තිබු බවත් සංචාරයක් සදහා පැමිණි වෑන් රථයේ රියදුරන් කියා සිටියේය.
අනතුර සම්බන්ධයෙන් ගිනිගත්හේන පොලිසිය පරික්ෂණ පවත්වයි.
