රජීව් ගාන්ධි ඝාතනය සම්බන්ධයෙන් ජීවිතාන්තය දක්වා සිර දඬුවම් නියම වී සිටිය දී ඉන්දීය ශ්රේෂ්ඨාධිකරණය මගින් පසුගිය 12 වනදා නිදහස ලැබූ එල්.ටී.ටී.ඊ සමාජිකයින් පිරිස අතර සිටින ශ්රී ලාංකිකයින් හතර දෙනාගෙන් තුන්දෙනෙකු යළි ශ්රී ලංකාවට පැමිණීමට කැමැත්ත පළ කර ඇතැයි විදෙස් මාධ්ය වාර්තා කරයි.
ඉන්දියාවේ නීතිය අනුව මේ වනවිට තිරුචි දිස්ත්රික්කයේ විශේෂ කඳවුරක රඳවා සිටින මෙම පිරිස අතරින් ශ්රී ලංකාවට පැමිණිමට කැමැත්ත ප්රකාශ කළ ශ්රී ලාංකිකයින් තිදෙනාට අදාල ලිපි ලේඛන මේ වනවට ශ්රී ලංකාව වෙත යොමු කර ඇතැයි තමිල්නාඩුවේ තිරුචි ප්රදේශයේ දිස්ත්රික් ලේකම් එම්. ප්රදීප් කුමාර් ප්රකාශ කර ඇත.
තිරුචි දිස්ත්රික් ලේකම් එම්. ප්රදීප් කුමාර් පෙරේදා ඔවුන් පිළිබඳව විමසා බැලීම සඳහා එම කඳවුරට ගොස් තිබිණි. ශ්රී ලාංකිකයින් තිදෙනා සම්බන්ධව ලිපි ලේඛණ යොමු කර ඇති බවත් ඒ පිළිබඳව ශ්රී ලංකාවේ ප්රතිචාරය මත ඉදිරි කටයුතු සිදුවනු ඇති බවත් එහිදී දිස්ත්රික් ලේකම්වරයා රැඳවියන්ට දන්වා තිබේ.
හිටපු අග්රාමාත්ය රජීව් ගාන්ධි 1991 වසරේ මැයි 21 වනදා තමිල්නාඩුවේ ශ්රී පෙරුම්ත්තූර් හිදී ඝාතනයට ලක්වුණේ ධනු නැමති එල්.ටී.ටී.ඊ. මරාගෙන මැරෙන බෝම්බකාරියක මල්මාලා පළඳවමින් එල්ල කළ ප්රහාරයේ දී ය.
