අසේල කුරුළුවංශ –
මල්වතු මහා විහාර පාර්ශ්වයේ නුවර කලාවියේ ප්රධාන සංඝ නායක සහ අටමස්ථානාධිපති ලෙස පල්ලේගම හේමරතන ස්ථවිරයන් දරූ තනතුරු තාවකාලිකව අත්හිටුවීමට මල්වතු මහා විහාරය තීරණය කර තිබේ.
මල්වතු පාර්ශ්වයේ මහා නායක හිමියන්ගේ නියමය පරිදි එම පාර්ශ්වයේ ලේඛකාධිකාරී ආචාර්ය පහමුනේ සුමංගල හිමියන්ගේ අත්සනින් යුතුව විශේෂ නිවේදනයක් නිකුත් කරමින් මේ බව ප්රකාශ කර ඇත.
එම නිවේදනයේ දැක්වෙන්නේ මල්වතු පාර්ශ්වයේ කාරක මහා සංඝ සභාවේ නියමය පරිදි, අටමස්ථානාධිපති ධුරයේ කටයුතු තාවකාලිකව ආවරණය කිරීම සඳහා උතුරු මධ්යම දිසාවේ ප්රධාන සංඝනායක, රුවන්වැලි චෛත්යරාමාධිකාරි ඊතලවැටුණු වැවේ ඥාණතිලක නායක ස්ථවිරයන් වහන්සේ පත් කිරීමට අටමස්ථාන කමිටුව තීරණය කර ඇති බවයි.
පල්ලේගම හේමරතන ස්ථවිරයන් වහන්සේ සම්බන්ධයෙන් එල්ල වී ඇති චෝදනාව පිළිබඳ අවධානය යොමු කොට අද (30) මල්වතු මහා විහාරීය කාරක මහා සංඝ සභාව විසින් අදාළ පාර්ශ්වයන් ද කැඳවා මේ පිළිබඳව කරුණු විභාග කිරීමෙන් අනතුරුව මෙම තීන්දුව ගෙන තිබේ.
පල්ලේගම හේමරතන ස්ථවිරයන් වහන්සේ සම්බන්ධයෙන් එල්ල වී ඇති චෝදනාව පිළිබඳ පවතින අධිකරණ කටයුතු අවසන් වී ඒ පිළිබඳ අවසන් තීරණයක් ලැබෙන තෙක්, කාරක මහා සංඝ සභාව වෙත පැවරී ඇති බලතල ප්රකාරව මෙම තාවකාලික අත්හිටුවීමේ තීන්දුව ගෙන ඇති බව ද එම නිවේදනයේ වැඩිදුරටත් සඳහන් වේ.
එම නිවේදනය පහත දැක්වේ.
