අසේල කුරුළුවංශ –
-
තුවාල ලබා රෝහල් ගත කළ සිසු පිරිස අතර පේරාදෙණි විශ්ව විද්යාලයේ මහාශිෂ්ය සංගමයේ හිටපු සභාපති රජිත මලලසේකරත්….
පේරාදෙණිය විශ්වවිද්යාලය ආසන්නයේ උඩපේරාදෙණිය ප්රදේශයේදී විශ්වවිද්යාලීය සිසුන් පිරිසක් හා ප්රදේශවාසි තරුණයින් පිරිසක් අතර ඇතිවූ ගැටුමකින් තුවාල ලත් සිසුන් තිදෙනෙකු ප්රතිකාර සඳහා මහනුවර සහ පේරාදෙණිය රෝහල් වලට ඇතුළත් කර තිබේ.
තුවාල ලබා රෝහල් ගත කළ සිසු පිරිස අතර පේරාදෙණි විශ්ව විද්යාලයේ මහාශිෂ්ය සංගමයේ හිටපු සභාපති රජිත මලලසේකර සිසුවාද සිටින බව පොලිසිය පවසයි.
මහා ශිෂ්ය සංගමයේ හිටපු සභාපතිවරයා පශු වෛද්ය පීඨ ශිෂ්ය සංගමයේ හිටපු සභාපතිවරයා ඇතුළු සිසු සිසුවියන් අට දෙනක් දිය නෑම සඳහා උඩ පේරාදෙනියේ පිහිටි පේරාදෙණිය විශ්ව විද්යාලයට අයත් ඌරු කොටුව ආසන්නයේ ඇති දිය ඇල්ලක් වෙත ඊයේ (15) පස්වරුවේ ගොස් ඇත.
සිසු පිරිස දිය නාමින් සිටියදී ප්රදේශවාසී තරුණයින් සිව් දෙනකු එම ස්ථානයට පැමිණ විශ්වවිද්යාලීය සිසුවියන්ට උසුළු විසුළු කිරීමේ සිද්ධියක් මුල් කර ගනිමින් මෙම ගැටුම ආරම්භ වී තිබෙන බව පොලිස් පරීක්ෂණ මගින් අනාවරණය වී ඇත.
සිසුවියන්ගේ දැනුම් දීම මත පශුවෛද්ය පීඨයේ තවත් සිසුු පිරිසක්ද එම ස්ථානයට පැමිණීමත් සමග ප්රදේශවාසී තරුණයින් සිව් දෙනා බිඳින ලද බෝතල් වලින් ඔවුන්ට පහර දී තිබෙන බව වාර්තාවේ.
තුවාල ලබා පේරාදෙණිය ශික්ෂණ රෝහලට ඇතුළත් කර සිසුන් තිදෙනා අතරින් බරපතළ කැපුම් තුවාල ලබා සිටි එක් සිසුවෙකු වැඩිදුර ප්රතිකාර සඳහා මහනුවර ජාතික රෝහලට ඇතුළත් කර තිබේ.
එම සිසුවාගේ ශරීරයේ ස්ථාන ගණනාවක කැපුම් තුවාල සිදුව තිබීම හේතුවෙන් සැත්කමක් මගින් එම තුවාල වලට මැහුම් 37 ක් යෙදීමට වෛද්යවරු පියවර ගෙන ඇත.
පශු වෛද්ය පීඨයේ සිසුන් විසින් කරන ලද පැමිණිල්ලකට අනුව පරීක්ෂණ කළ පේරාදෙණිය පොලිසිය සිද්ධිය සම්බන්ධයෙන් පහරදීම සිදුකළ බව කියන තරුණයින් සිව් දෙනා සැකපිට අත්අඩංගුවට ගෙන ඇත.
ඔවුන් මහනුවර මධ්යම වෙළෙඳ පොළේ වෙළෙඳාම් කරන්නන් බව පොලීසිය පවසයි.
සිද්ධිය සම්බන්ධයෙන් පේරාදෙණිය පොලිසිය වැඩිදුර විමර්ශනසිදු කරයි.
