රජයේ ඇතැම් දේශපාලකයන් විසින් ත්රස්තවාදී සංවිධානයක් ලෙස ද හැඳින්වූ කටාර් රාජ්යයේ විශාලතම සමාජ සේවා අරමුදල වන කටාර් චැරිටි ආයතනය ඊයේ (12) ශ්රි ලංකාවේ නව කාර්යාලයක් ස්ථාපනය කළේය.
විදේශ අමාත්ය ජනධිපති නීතීඥ අලි සබ්රි සහ මේ දිනවල ශ්රි ලංකාවේ සංචාරයක යෙදෙන කටාර් චැරිටි අරමුදලේ ප්රධාන විධායක යූසෙෆ් අල් කුවේරි ගේ ප්රධානත්වයෙන් මෙම කාර්යාලය විවෘත විය.
ඒ පිළිබඳව සිය ට්විටර් ගිණුමෙහි සටහනක් තබමින් අලි සබ්රි අමාත්යවරයා පවසන්නේ මෙම අරමුදල ශ්රි ලංකාවට ඇමෙරිකානු ඩොලර් මිලියන 11.7ක ආධාර සමඟ පැමිණි බවයි.
මෙම ආධාර ශ්රි ලංකා රජයේ මඟ පෙන්වීම මත අවශ්ය කටයුතු සඳහා යෙදවීමට නියමිත බවද අමාත්යවරයා පවසයි.
මෙම අරමුදල පසුගිය කාලයේදී වඩාත් විවාදිත වූයේ දීර්ඝ කාලයක් රක්ෂිත බන්ධනාගාර ගත කර සිටි හෙජාස් හිස්බුල්ලා නැමැති නීතීඥවරයා ගේ සේව් ද පර්ල් නම් සංවිධානයට මෙම කටාර් චැරිටි නම් ආයතනය මුදල් පරිත්යාග ලබා දී ඇති බවටද චෝදනා කරමිනි.
එම අවස්ථාවේදී මෙම අරමුදල ත්රස්තවාදීන්ට අරමුදල් සපයන ආයතනයක් ලෙස හැඳින්වූ අතර අධිකරණයේදි පවා මේ බව ප්රකාශ විය. පාර්ලිමේන්තුවේ දී මෙම සංවිධානය ත්රස්තවාදී සංවිධානයක් ලෙසටම නම් කරමින් අලි සබ්රි නියෝජනය කරන පොදුජන පෙරමුණේ මන්ත්රීවරු මහා ඝෝෂාවක් නැගූහ.
කටාර් චැරිටි ප්රධාන විධායක අල් කුවේරි, අලි සබ්රි අමත්යවරයා මුණ ගැසී දීර්ඝ වශයෙන් සාකච්ඡාවක්ද පවත්වා ඇති බව අමාත්යවරයා පවසයි.
