පසුගිය දින කිහිපය තුළ ඉන්ධන සැපයීම සීමා කළ නමුත් අවශ්ය ඩීසල් සහ පෙට්රල් තොග හෙට සිට ප්රමුඛතා පදනමක් මත නිසි පරිදි වෙළඳපොළට නිකුත් කරන බව විදුලිබල හා බලශක්ති ඇමති කාංචන විජේසේකර අද පාර්ලිමේන්තුවේ දී පැවසුවේය.
දිනකට අවශ්ය ඩීසල් මෙට්රික් ටොන් 5400ක ප්රමාණය 3200කට සීමා කළ බවත්, සහ පෙට්රල් මෙට්රික් ටොන් 3400ක ප්රමාණය 2800කට සීමා කළ බවත් ඇමතිවරයා කිවේය.
එහෙත් හෙට සිට ඩීසල් මෙට්රික් ටොන් 5000ක් සහ පෙට්රල් 3500ක් වෙළෙඳපොළට නිකුත් කරන බව ඇමතිවරයා කීවේය. ඩිපෝ වෙත නිකුත් කරන ඉන්ධන ප්රමාණය වැඩි කර පාසල් වාහනවලට, පෞද්ගලික බස් රථවලට, සංචාරක කර්මාන්තයේ යෙදෙන රථවලට ඩිපෝවලින් ඉන්ධන ලබා ගැනීමට අවස්ථාව සලසන බව කී ඇමතිවරයා ධීවර වරාය සඳහා ඉන්ධන බවුසර 45ක් යොමු කරන බව පැවසුවේය.
කෘෂිකර්ම අමාත්යාංශ නිර්දේශවලට ඉන්ධන පිරවුම්හල්වලින් කෘෂිකාර්මික කටයුතු සඳහා ප්රමුඛතාවයක් ලබා දීමට සැලසුම් කර ඇතැයි ද ඇමතිවරයා කීවේය.
