-
චීනයෙ ඩොලර් බිලියන 1.5 ණය දුන්න කොන්දේසිය මාස තුනක් ප්රමාණවත් විදේශ සංචිත පැවතීම… මේ ණය ලබා ගන්න මොහොතේත් මාස තුනක විදේශ සංචිත තිබිලා නෑ… නිලධාරීන් චීනයටත් බොරු කරලා ණය අරගෙන…
-
අපේ ආර්ථික වර්ධන වේගය ඍණ 04යි කිව්වට අයි.එම්.එෆ් කියන හැටියට අපේ ආර්ථික වර්ධන වේගය 2022 වසරේ සියයට සෘණ 9යි…2023 ගත කරන්න වෙන්න අමාරුවෙන්…
-
ජපානය ගෙනා ඩොලර් බිලියන 3.5ක ව්යාපෘති නැවැත්තුවෙ එක රැයකින්… එක් පුද්ගලයෙකුගේ අභිමතයට… හේතු දැක්වීමකින් තොරව…
පසුගිය කාලයේ රජය විසින් ගන්නා ලද ඇතැම් වැරදි තීන්දු තීරණ හේතුවෙන් මේ වනවිට ශ්රි ලංකාව ලෝකයේ රාජ්යයන් අතර කොන්වූ තත්ත්වයකට පත්ව ඇති බවත් ඇතැම් රටවල් මේ රටට ගෙනා ආයෝජනා ව්යපෘති තනි පුද්ගලයකු විසින් ලබා දෙන ලද නිර්දේශ මත නතර කිරීම නිසා ජපානය වැනි රටවල් ශ්රි ලංකාව සමඟ පැවැති හොඳ හිත පළුදු ව ඇති බවත් අගමැති රනිල් වික්රමසිංහ පවසයි.
මේ තත්ත්වය මත එවැනි නිර්දේශ ලබා දුන් පුද්ගලයන් පිළිබඳව විමර්ශනයක් පවත්වන ලෙස අගමැති රනිල් වික්රමසිංහ පාර්ලිමේන්තුවේ මූල්ය කමිටුවෙන් ඉල්ලීමක් කළේය.
මෙම වැරදි පිළිවෙත් මත 2022 වසරේ ශ්රි ලංකාවේ ආර්ථිකය දළ දේශීය නිෂ්පාදිතයට සාපේක්ෂව සෘණ 4ක් පමණ විය හැකි බවට මෙරට පුරෝකථනයත් පැවතුණද ජාත්යන්තර මූල්ය අරමුදලට අනුව එය සෘන 6ක් තරම් වනු ඇති බවද අගමැතිවරයා පෙන්වා දුන්නේ අද පෙරවරුවේ පාර්ලිමේන්තුවේදි පවතින ආර්ථික තත්ත්වය පිළිබඳව විශේෂ ප්රකාශයක් කරමිනි.
එහිදී තවදුරටත් අදහස් දැක්වූ අග්රාමාත්ය වික්රමසිංහ මෙසේ කීවේය.
“රට මේ තරම් පහළට වැටීම ආරම්භ වුණේ 2019 අප ක්රියාත්මක කළ බදු ක්රමය වෙනස් කිරීම මගින්. එයින් රටට බිලියන 600ක් 800ක් අතර ප්රමාණයත් අහිමි වුණා. අප යලිත් 2019 රට තිබුණු තැනට යා යුතුයි. පටන් ගත යුත්තේ වැටුණු තැනින්. බදු ක්රමය යළි සැකසිය යුතුයි. රජයට නිසි ආදායම් ප්රමාණයක් ලැබුණොත් විතරයි අපට ගොඩ එන්න පුළුවන්.
අසීමිතව මුදල් අච්චු ගැසුවා…
පසුගිය කාලය තුළ අසීමිත මුදල් අච්චු ගැසීම කළා. 2020 සිට 2022 මාර්තු දක්වා අච්ච ගැසූ මුදල් ප්රමාණය ටිලියන 2.6ක්. රටේ මුදල් තත්ත්වය යහපත්වන තුරු තවත් රුපියල් ටිලියනයක්වත් මුදල් අච්චු ගහන්න වෙනවා. නූතන අර්බුදකාරී තත්ත්වයකට මුහුණ දී සිටියදී රටේ ආර්ථිකය ගොඩ ගන්නට අවශ්ය වන උත්තේජන ලබා දෙන්න බෑ. නමුත් අපට මේ තත්ත්වය පවත්වාගෙන යන්න වෙන්නේ කෙටි කාලයක් පමණයි.
අපට මේ තත්ත්වය යළි රට ඔසවා තැබීමේදී නම් බැංකු සහ මූල්ය සමාගම් ආරක්ෂා කළ යුතුයි. දැඩි ආර්ථික දුෂ්කරතා පවතින ක්ෂේත්ර හඳුනාගෙන ණය සහන ලබා දීමට අප බලාපොරොත්තු වනවා.
ඛනිජ තෙල් නිතිගත සංස්ථාව, විදුලි බල මණ්ඩලය ලංකා බැංකුවට සහ මහජන බැංකුවට ට්රිලියනයක් ණයයි. ශ්රි ලංකන් ඩොලර් මිලියන 680ක් ණයයි
ණය බර දරන්න බෑ…
අපේ රටේ රාජ්ය ආයතනවල ණය බර තවදුරටත් බැංකුවලට දරන්න බෑ. ඒ අය එය කළමනාකරණය කර ගත යුතුයි. අයි එම්. එෆ් සමග සාකච්ඡා කරමින් ඉන්නේ. අපි ඉදිරි ආර්ථික සැලසුම් ගැන 2023 වසර අවසාන වෙද්දීවත් ආර්ථික ස්ථාවර භාවයක් අවශ්යයි. මූල්ය දිරි ගැන්වීමක් ඔස්සේ ආර්ථික උත්තේජනයක් 2024 දී යම් මට්ටමකට ඒම අපේ අරමුණ.
ආණ්ඩු බලය හොබවන පක්ෂ කණ්ඩයම් වෙනස් වුණත් සාර්ව ආර්ථික සැලැස්ම ඉදිරියට ගෙන යා යුතුයි. කාර්ය සාධනය උපරිම මට්ටමින් පවත්වාගෙන යාමත් අවශ්යයයි. අපේ විදේශ සම්බන්ධතා උපරිම ලබා යුතුයි.
අද යම් යම් වැරදි ක්රියාමාර්ග නිසා ශ්රි ලංකාව ලෝකයේ කොන්වුණු රටක් වෙලා. මේ තත්තවය වෙනස් විය යුතුයි. අප මේ වනවිට විවධ රටවල තානාපතිවරුන් ජාත්යාන්තර සංවිධාන සමඟ සාකච්ඡා කරමින් සිටිනවා. මේ රටට සහය දැක්වීමට ඔවුන් බොහොමයක් එකඟයි.
ලෝකයෙන් මානුෂික ආධාර ඉල්ලනවා…
ලබන 09 වැනිදා එක්සත් ජාතින්ගේ සංවිධානය මුළු ලෝකයෙන්ම විවෘත ආයාචනයක් කරනවා, ශ්රි ලංකාවට මානුෂීය ආධාර ලබා දෙන ලෙස. ආහාර, කෘෂිකර්ම සහ සෞඛ්ය වෙනුවෙන් මිලියන 48ක් ලබා දීමට ඔවුන් එකඟව සිටිනවා. ඉන්දියාව චීනය ජපානය අපට උදව් කරන්න ඉන්නෙ. මේ රටවල් සමඟ සබඳතා බිඳ වැටී කිබෙනවා. මාස කිහිපයකනට පෙර ඩොලර් බිලියන 1.5ක හුවමාරු ණයක් චීනයෙන් ග්තතා. ඒත් එම ණය සමඟ කොන්දේසියක් තිබෙනවා. ඒ ණය පාවිච්චි කරැන්න පුළුවන් විදේශ සංචිත මාස තුකට සෑහෙන්න තිබෙනවා නම් පමණයි කියල. මේ ණය දෙන විටත් විශේෂ සංචිත මාස තුනකට ප්රමාණවත්ව තිබිල නෑ. අපේ නිලධාරීන් චීනයට වංචා කරලා ඒ මුදල් ලබාගෙන .
අපි මෙම කොන්දේසි වෙනස් කරන ලෙස ඉල්ලීමක් කර තිබෙනවා. ජපානය මිතුරු රටක්. නමුත් ඔවුන් අද ඉන්නේ හිත හොඳින් නෙවේ. යම් ව්යාපෘති අත්හිටුවීම පිළිබඳව කිසිදු හේතුවක් දැක්වීමක් තොරව අතර මග නවතා දමලා. ජපානයෙන් දුන් බිලියන 3ක ව්යාපෘති කිසිදු හේතු දැක්වීමකින් රෙව නැවැත්තුවා.
මේ පිළිබඳව විමර්ශනයක් පවත්වන ලෙස පාර්ලිමේන්තුවෙන් රාජ්ය මූල්ය කමිටුවෙන් ඉල්ලා සිටිනවා. ඉන්දියාව උපකාර කිරීමට ඉදිරිපත් වුණා. මේ අසිරු අවස්ථාවේ පැරණි මිතුදම් යළි අවශ්යයයි.
