ශ්රි ලංකාවට ඉදිරියේ දි ඉන්ධන සහ ගෑස් භාවිතය අතින් දුෂ්කරතම සති තුනකට මුහුණ දෙන්නට සිදුව ඇති බවත් හැකි තරම් ගමන් බිමන් අවම කර ගනිමින්, සම්පත් සීමිත ව පරිහරණය කරමින් මේ අසීරු සති තුනට මුහුණ දෙන්නට සැරසෙන්නැයි අග්රාමාත්ය රනිල් වික්රමසිංහ රටේ ජනතාවගෙන් ඉල්ලා සිටී. අග්රාමාත්යවරයා මේ ඉල්ලීම කළේ පවතින ආර්ථික තත්ත්වය පිළිබඳව අද (07) පෙරවරුවේ පාර්ලිමේන්තුවේදි විශේෂ ප්රකාශයක් කරමිනි.
බිඳ වැටණු රටේ ආර්ථිකය ප්රකෘති තත්ත්වයට පත් කිරීම පමණක් ප්රමාණවත් නොවන බවත් එය ස්ථාවර තත්ත්වයකට පත් කිරීම ප්රාතිහාර්යවලින් සිදු කළ නොහැකි බවත් කී අගමැතිවරයා ඒ සඳහා සියලු දෙනාට කැප වී ක්රියා කළ යුතුව ඇති බව ද එහිදී සඳහන් කළේය.
මාසිකව ඉන්ධන සඳහා ඩොලර් මිලියන 550ක් පමණ වැය වන අතර ලෝක අර්බුද නිසා තෙල් මිල තවත් සියයට 40කින් පමණ මෙම වසර අවසානය වනවිට ඉහළ යාමේ අවදානමක් ඇතැයිද පැවසූ අගමැතිවරයා මේ තත්තවය තුළ ඉදිරියේදී ඉන්ධන සලාක ක්රමයක් පිළිබඳවද ඉදිරිපත්ව ඇති අදහස සලකා බලන්නට සිදුවන බව ප්රකාශ කළේය.
ඉන්නධ සඳහා ඉදිරි මාස හයට ඩොපර් මිලියන 3300ක් පමණ වශය වනු ඇති බවත් ගෑස් සඳහා මාසයකට ඩොලර් මිලියන 40ක් පමණ අවශ්ය බවත් පැවසූ අගමැතිවරයා මේ සඳහා දේශීය මුදල්, බහු පාර්ශ්වික ආධාර සහ ඉන්දීය ණය මුදල්වලින් ඩොලර් මිලියන 250ක් පමණ වැය කිරීමට සිදුවන බව පෙන්වා දුන්නේය.
පවතින විදේශ විනිමය අර්බුදය සමහ ආහාර පිළිබඳව පවතින අර්බුදය හේතුවෙන් මේ දුෂ්කරතා විඳින්නට රටේ ජනතාවට සිදුව ඇති බවත් ආහාර සම්බන්ධ දුෂ්කරතාව මාස කිහිපයකින් එළඹෙනු ඇති බවත් අගමැතිවරයා කීවේය. රටේ සමස්ත ආර්ථික දුෂ්කරතාවන් 2023 වසර පුරාවටම ද විඳින්නට අප ට සිදුවනු ඇතැයි ද අග්රාමාත්යවරයා එහිදී ප්රකාශ කළේය.
එහිදී වැඩිදුරටත් අදහස් දැක්වූ අග්රාමාත්ය රනිල් වික්රමසිංහ මෙසේද පැවසීය.
“මේ ගමන් බිමන් හැකිතාක් සීමා කළ යුතු කාලයක්. ඉන්ධන ගෑස් විදුලිය අනවශ්ය ලෙස පරිහරණය කරන්න එපා. ඉදිරියට එන්නේ දුෂ්කර සති තුනක්. අප මේ අර්බුදයෙන් ගොඩ එන්න විවධ පාර්ශ්ව සමඟ සාකච්ඡා කරනවා . රටේ ආහාර හිඟයක් නිර්මාණය වන තත්ත්වයක් පවතිනවා. මෙම ආහාරවලින් කොටසක් දේශිය ව නිපදවාගන්න අතරේ ආහාර කොටසක් පිටරටකන් ගේනවා. අප දැන් සිටම වෙහෙස විය යුත්තේ ඊළඟ මහ කන්නය සාර්ථක කර ගන්න. ඒකේ අස්වැන්න 2023 පෙබරවාරි පමණ වෙනවා. රටට වසරකට සහල් මෙට්රික් ටොන් මිලියන 2.4ක් පමණ අවශ්යයි. නමුත් අපට තිබෙන්නේ ටොන් මිලියන 1.6ක්.
මේ තත්ත්වය තුළ තව මාස කිහිපයක් ආහාර අතින් බරපතල දුෂ්කරතාවන්ට මුහුණ දෙන්නට සිදුවනවා. පිටරටින් ගෙන්වා ගන්න සිදුවෙනවා. ඩොලර් මිලියන 150ක් අපට මේ ආහාර අවශ්යතාව වෙනුවෙන් අවශ්ය වෙනව. අපේ අපනයන බෝග සඳහා වූ ජාත්යන්තර වෙළෙඳපොල අහිමි වෙමින් පවතිනවා. අපේ කෘෂි කර්මාන්තය රැක ගත යුතුයි. තේ රබර් පොල් ඇතුලු සියලු බෝග සඳහා අවශ්ය පොහොර වෙනුවෙන් ඩොලර් මිලියන 600ක් අවශ්යයි. .
රටට අවශ්ය ඖෂධ ගෙන්වා ගැනීමට විවිධ ජාත්යන්තර සම්බන්ධ කර ගත්තා විවිධ රටවල් ආධාර ලබා දීම හේතුවෙන් අපට ලොකු මුදලක් විදේශ විනිමය වැය වන්නෙ නෑ. සෞඛ්ය ක්ෂේත්රය වෙනුවෙන් ලබා දෙන මූල්ය සහ ද්රව්ය ඉදිරි මාස හය තුළ අපේ රටේ ජන ජීවිතය අවශයතා වෙනුවෙන් අවම වශයෙන් ඩොලර් බිලියන 5ක මුදලක් අවශ්යයි.
ඊට අමතරව රුපියල් ශක්තිමත් කිරීමට ඩොලර් බිලියනයක්වත් අවශයයි. මේ අනුව ඉදිරි මාස හයේ රටට ඩොලර් බිලියන 6ක්වත් අවශ්ය්යයි.“ යයිද අගමැතිවරයා සඳහන් කළේය.
