පසුගිය 09 වැනිදා අමාත්ය මණ්ඩල තීරණයක් මත සම්මත වුණ වෛද්යවරුන්ගේ රාජකාරි බාධා පැමිණවිමේ හා ප්රවාහන දීමනාව (DAT) ක්රියාත්ම නොකිරීමට විරෝධය පළ කරමින් රජයේ සියලුම විශේෂඥ වෛද්යවරු හෙට උදේ 8 සිට වෘත්තීය සමිති ක්රියාමාර්ගයක නිරතවන බව රජයේ විශේෂඥ වෛද්යවරුන්ගේ සංගමය නිවේදනය කරයි.
ජනාධිපතිවරයා සහ කැබිනට් මණ්ඩලය විසින් DAT දීමනාව රුපියල් 35000කින් වැඩි කිරීම අනුමත කළත් භාණ්ඩාගාරයෙන් ප්රතිපාදන වෙන් නොවීම සම්බන්දව සෞඛ්ය ලේකම්වරයා කළ ලිඛිතව දැන්වීම සමග රට පුරා රජයේ රෝහල්වල වෛද්යවරුන් වර්ජනයක් වර්ජනයක් සඳහා කැඳවිමට රජයේ වෛද්ය නිලධාරීන්ගේ සංගමය ද අද තීරණය කර තිබිණි.
තමන් ද එම වෘත්තීය සමිති ක්රියාමාර්ගය හා එක් වන බව රජයේ විශේෂඥ වෛද්යවරුන්ගේ සංගමය නිවේදනය කරන්නේ ඒ අතරය.
ජනාධිපතිවරයාගේ මැදිහත්වීමෙන් කැබිනට් අනුමැතියට යටත්ව මෙම දීමනාව වෛද්යවරුන්ගේ ජනවාරි පඩියට එක් කිරීමට එකඟ වුව ද සෞඛ්ය ලේකම්වරයා මධ්යම රජය යටතේ ඇති සියලුම රෝහල්වලට අද (23) දන්වා තිබුණේ භාණ්ඩාගාරයෙන් මුදල් නිදහස් කර ගැටලුව කඩිනමින් නිරාකරණය කර ගන්නා තෙක් වැඩි කරන ලද රුපියල් 35000ක දීමනාව තාවකාලිකව අත්හිටුවා ඇති බවය.
මෙහිදී විහේෂඥ වෛද්යවරු දන්වා සිටින්නේ තමන් දන්නා පරිදි භාණ්ඩාගාරයට තමන්ගේ යෝජනාවක් ක්රියාත්මක කිරිමට නොහැකි වීම පුදුමයක් බවය.
විශේෂ වෛද්යවරුන් පෙන්වා දෙන්නේ DAT දීමනාව 35000කින් වැඩි කර 70000ක් බවට පත් කිරීම විෂමතාවයේ කොටසක් නිවැරදි කිරීමක් පමණක් බවය.
SL 3 ඛාණ්ඩයේ රාජ්ය සේවකයින්ට වාහන රියදුරු සහ ඉන්ධන දීමනා සඳහා කරනු ලබන ගෙවීම් ඉතා ඉහළ නමුත් අර්ධ වශයෙන් නිවැරදි වූ DAT දීමනාව මුලුමනින්ම උපයන විට ගෙවීමේ බද්දට යටත් බව විශේෂඥ වෛද්යවරු පෙන්වා දෙති.
මේ තත්ත්වය තුළ විශේෂඥ වෛද්යවරුන්ගේ සංගමය හෙට උදෑසන 08 සිට වෘත්තීය ක්රියාමාර්ගයක් ආරම්භ කරන බවත් එහි ඉදිරි ස්වරූපය හෙට තීරණය කරන බවත් එම සංගමය දන්වා සිටී.
කෙසේ වෙතත් සියලුම හදිසි අවස්ථා කිසිදු බාධාවකින් තොරව පවත්වාගෙන යන බවට සහතික වන බවත්, දැඩි සත්කාර ඒකක, පිළිකා ඒකක, මාතෘ ඒකක, ළමා රෝග ඒකක, රුධිර කාන්දු පෙරණ ඒකක, ත්රී විධ හමුදා හමුදා රෝහල් සහ මනෝචිකිත්සක ඒකක මෙම වෘත්තීය ක්රියාවලියෙන් නිදහස් කර ඇති බවත් එම සංගමය දන්වයි.
