-
භාණ්ඩාගාර ලේකම්, විදුලිබල හා බලශක්ති ලේකම්, රජයේ මුද්රණාලය, පොලිස්පති, ලංවිම සභාපති, ඛණිජතෙල් නීතිගත සංස්ථාවේ සභාපති ඇතුළු තවත් අය මැතිවරණය පැවැත්වීමට බාධා කළා – ජාතික මැතිවරණ කොමිසම අධිකරණයට කියයි!
සැලසුම් කළ පරිදි 2023 මාර්තු 9 වනදා පළාත් පාලන මැතිවරණය පැවැත්වීමට නොහැකි වනු ඇතැයි ශ්රී ලංකා ජාතික මැතිවරණ කොමිෂන් සභාව අද (20) මෝසමක් මගින් ශ්රේෂ්ඨාධිකරණයට දැනුම් දුන්නේය.
2023 පළාත් පාලන මැතිවරණය පැවැත්වීම සඳහා නීතියට අනුව කටයුතු කර ඇති බවත්, එම මැතිවරණය පැවැත්වීම සඳහා නීතියට අනුව කටයුතු කරන බවත් ජාතික මැතිවරණ කොමිසම ජනවාරි 18 සහ පෙබරවාරි 10 යන දෙදින තුළ ප්රතිඥාවක් ලබා දුන්නේය.
කෙසේ වෙතත්, එම භාර ගැනීමෙන් පසුව, මැතිවරණ කොමිෂන් සභාවට සම්පූර්ණයෙන්ම පාලනය කළ නොහැකි තත්ත්වයන්ට කොමිෂන් සභාවේ කටයුතු වැළැක්විය හැකි තත්ත්වයන් මතුව ඇති බව එම කොමිසම අධිකරණයට දැනුම් දී ඇත.
මැතිවරණය පැවැත්වීම සඳහා අවශ්ය මුදල් ලබාදීමට තමන්ට නොහැකි බව භාණ්ඩාගාර ලේකම්වරයා දන්වා ඇති බව ජාතික මැතිවරණ කොමිසම ගොනු කළ මෝසමේ සඳහන්ව ඇත.
තවද, රුපියල් මිලියන 410.6ක මුදලක් ලැබෙන තුරු මැතිවරණයට අදාළ ඡන්ද පත්රිකා නිකුත් කිරීමට නොහැකි බව රජයේ මුද්රණාලයාධිපතිනිය මැතිවරණ කොමිසමට දන්වා ඇති බව ද මෝසමේ සඳහන් වේ.
ඡන්ද පත්රිකා මුද්රණය කිරීමේ ක්රියාවලියට ආරක්ෂාව සැපයීමට පොලිස්පතිවරයා අපොහොසත් වී ඇති බව ජාතික මැතිවරණ කොමිෂන් සභාව සිය මෝසමේ සඳහන් කර ඇති අතර, මැතිවරණ රාජකාරි වෙනුවෙන් මීට පෙර මැතිවරණයේ දී ශ්රී ලංකා පොලිසියට ලබා දුන් මුදල් ප්රමාණය මෙන් දළ වශයෙන් තුන් ගුණයක මුදලක් අවශ්ය බව පොලිස්පතිවරයා දන්වා ඇතැයි ද සඳහන් කර ඇත.
පළාත් පාලන මැතිවරණය සඳහා ඉන්ධන, වාහන සහ අනෙකුත් පහසුකම් ලබාදෙන ලෙස අදාළ රාජ්ය ආයතන වෙත දැනුම් දී තිබුණද මෙතෙක් එම ඉල්ලීම් ඉටු වී නොමැති බව ජාතික මැතිවරණ කොමිෂන් සභාව සඳහන් කර තිබේ.
භාණ්ඩාගාර ලේකම්, විදුලිබල හා බලශක්ති ලේකම්, රජයේ මුද්රණාලය, පොලිස්පති, ලංවිම සභාපති, ඛණිජතෙල් නීතිගත සංස්ථාවේ සභාපති ඇතුළු තවත් අය ඉදිරි මැතිවරණයට අවශ්ය පහසුකම් සපයා නැති බවට ජාතික මැතිවරණ කොමිසම ශ්රේෂ්ඨාධිකරණයට ගොනුකළ මෙම මෝසමෙන් දන්වා ඇත.
