ශ්රියානි විජේසිංහ –
සෞඛ්ය ක්ෂේත්රයෙන් වැටුප් ගෙන සෞඛ්ය ක්ෂේත්රය කඩා බිඳ දැමීමට ඇතැම් වෘත්තීය සමිති නායකයින් කටයුතු කරන බවත් ඔවුන්ගේ යටි අරමුණ වී ඇත්තේ ජාතික ලැයිස්තුවෙන් පාර්ලිමේන්තුවට පැමිණීම බවත් සෞඛ්ය අමාත්යංශයේ අතිරේක ලේකම් සමන් රත්නායක සඳහන් කරයි.
මෙවැනි පුද්ගලයින්ට මහජන ඡන්දයකින් බලය ලබා ගත නොහැකි බැවින් අසත්ය ප්රචාරණයන් කරමින් මිනිසුන් බිය වද්දා මාධ්ය මගින් ප්රසිද්ධියක් ලබා ගැනීමට කටයුතු කරමින් සිටින බවද වෛද්ය රත්නායක පෙන්වාදේ.
ඖෂධ පිළිබඳව මෙලෝ හසරක් නොදන්නා පුද්ගලයින් ඖෂධ ගැන කථා කරමින් මාධ්ය හමු පවත්වා මිනිසුන් බිය ගන්වා ඔවුන්ගේ දේශපාලන යටි අරමුණු ඉටුකර ගැනීමට අරඅඳින බව ලේකම්වරයා පෙන්වාදේ..
සෞඛ්ය ක්ෂේත්රයේ වෘත්තීය සමිති නායකයෙක් ලෙස පෙනී සිටිමින් තමන්ගේ දේශපාලන අරමුණු ඉටුකර ගනිමින් ජාතික ලැයිස්තුවෙන් පාර්ලිමේන්තුවට ගිය සමන් රත්නප්රිය ගමන කළ මාර්ගයේම තවත් වෘත්තීය සමිති නායකයින් කීප දෙනෙකුම ගමන් කරමින් සිටීම කණගාටුව කරුණ වන්නේ සෞඛ්යයෙන්ම වැටුප් ලබා සෞඛ්යය ක්ෂේත්රයම විනාශ කිරීම නිසා යැයි ද සමන් රත්නායක පවසා සිටියි.
