සූරියවැව නුවන් ජයසේකර –
තණමල්විල ජාතික පාසලේ 11 ශ්රේණියේ දැරියක සමූහ දූෂණය කිරීමේ සිද්ධියට සැක පිට තවත් සිසුන් සිව් දෙනෙකු ලුණුගම්වෙහෙර පොලිසිය විසින් ඊයේ (15) අත්අඩංගුවට ගෙන තිබේ.
මෙලෙස අත්අඩංගුවට ගෙන ඇත්තේ ලුණුගම්වෙහෙර පොලිස් කොට්ඨාසයේ පාසලක ඉගෙනුම ලබන සිසුන් තිදෙනෙකු හා තණමල්විල ජාතික පාසලේ ඉගෙනුම ලබන සිසුවෙකි. අත්අඩංගුවට පත් සිසුන් 15 හා 16 වයස්වල පසුවෙති.
වින්දිත දැරිය විසින් තණමල්විල පොලිසියට ලබා දි තිබූ ප්රකාශයකට අනුව තණමල්විල පෙලෙිසිය විසින් සිදුකර තිබූ දැනුවත් කිරීමක් අනුව ලුණුගම්වෙහෙර පොලිසිය විසින් සිදුකළ විමශනයකදි සිසුන් තිදෙනෙකු ඊයේ (14) සවස අත්අඩංගුවට ගෙන තිබුණු අතර තවත් එක් සිසුවෙක් අද (15) පෙරවරුවේ අත්අඩංගුවට ගෙන තිබේ.
පසුගිය අප්රේල් මාසයේ ලුණුගම්වෙහෙර ප්රදේශයේ පාසලක් අසල පිහිටි ක්රීඩා පිටියක පැවති සංගීත සංදර්ශනයක් අතරතුර මෙම සිසුන් විසින් මෙම දැරියට අතවර කර ඇති බව මුලික පොලිස් පරීක්ෂණ වලදි අනාවරණය වි ඇත. සිද්ධිය සම්බන්ධයෙන් පොලිසිය වැඩිදුර පරීක්ෂණ පවත්වන අතර අත්අඩංගුවට ගත් සිසුන් තිස්සමහාරාම මහේස්ත්රාත් අධිකරණය වෙත ඉදිරිපත් කිරීමට නියමිතව ඇත.
ඒ අනුව මේ වන විම මෙම සිද්ධියට අදාලව සිසුන් 21 දෙනෙකු, 39 හැවිරිදි කාන්තාවක හා තණමල්විල ජාතික පාසලේ විදුහල්පති වරයා, නියෝජ්ය විදුහල්පති වරයා මෙන්ම විනය කමිටුව බාර ගුරුවරියක් හා උපදේශන ගුරුවරියක් පොලිස් අත්අඩංගුවට ගෙන අධිකරණයට ඉදිරිපත් කර තිබේ.
ඉන් සිසුන් 14 දෙනෙකු පරිවාස භාරයටත්,කාන්තාවක් ඇතුළු සිසුන් තිදෙනෙකු රක්ෂිත බන්ධනාගාරයටත් යොමු කර ඇත. විදුහල්පති වරයා ,නියෝජ්ය විදුහල්පති වරයා ඇතුළු ගුරුවරුවරියන් තිදෙනා ඇප මත නිදහස් කර තිබේ.
එමෙන්ම අගතියට පත් දැරිය සම්බන්ධයෙන් වෛද්ය පරීක්ෂණය පැවැත් වු වෛද්ය වරයා සම්බන්ධයෙන්ද සෞඛ්ය දෙපාර්තමේන්තුව මට්ටමින් හා රෝහල් මට්ටමින්ද අපක්ෂපාතී පරීක්ෂණයක් අරඹා ඇත.
සිද්ධිය සම්බන්ධ තණමල්විල මුලස්ථාන පොලිස් පරික්ෂක ඩී.එම්.පී.බණ්ඩාර ඇතුළු නිළධාරීන් කණ්ඩායමක් වැඩිදුර පරික්ෂණ පවත්වයි.
