අනිද්දා (15) පරාධ පරීක්ෂණ දෙපාර්තමේන්තුව ඉදිරියේ පෙනී සිටින ලෙස දන්වමින් ආචාර්ය සිරිල් ගාමිණි පියතුමන්වෙත යළි දැනුම් දීමක් සිදුකර තිබේ.
ජාතික බුද්ධි අධ්යක්ෂ ජනරාල් සුරේෂ් සලේ පිළිබඳ සිරිල් ගාමිණී පියතුමා විසින් කරන ලද ප්රකාශයකට අදාලව කටඋත්තරයක් ලබා ගැනීම සඳහා මෙම කැඳවීම කර තිබිණි.
මුල් කැඳවීමේ දී අපරාධ පරීක්ෂණ දෙපාර්තමේන්තුවට පැමිණි පියතුමන්ලා දෙදෙනෙක් ප්රකාශය ලබා ගැනීම සඳහා සතියක කාලයක් ඉල්ලා සිටියේය.
අනතුරුව නොවැම්බර් 02 දා ශ්රේෂ්ඨාධිකරණයට පෙත්සමක් ගොනුකළ සිරිල් ගාමිණී පියතුමන් අපරාධ පරීක්ෂණ දෙපාර්තමේන්තුවට ගොස් ප්රකාශය ලබාදීමෙන් පසු තමන් අත්අඩංගුවට ගැනීමට ඇති උත්සාහය වැළැක්වීම සඳහා අධිකරණ නියෝගයක් ලබා දෙන ලෙස ඉල්ලා සිටියේය.
පසුගිය 08 වැනිදා එය සලකා බැලූ අතර නීතිපතිවරයා එහිදී දැනුම් දුන්නේ සිරිල් ගාමිණී පියතුමන් මේ මොහොතේ අත්අඩංගුවට ගැනීමක් සිදුනොකරන බවය.
මින් පෙර ලංකසර වෙත ප්රකාශයක් නිකුත් කරමින් සිරිල් ගාමිණී පියතුමන් ප්රකාශ කළේ අදාල නෛතික ආවරණය ලැබුණු පසු අනිවාර්යයෙන් තමන් අපරාධ පරීක්ෂණ දෙපාර්තමේන්තුවට යන බවත්, කිව යුතු දේ එතැනදී ප්රකාශ කරන බවත්ය.
කියවන්න…
ප්රකාශය දෙන්න අනිවාර්යයෙන් එනවා… හරි දේ හරි වෙලාවට කරන්නම්!… සිරිල් ගාමිණී පියතුමා
